காங் தலைவருக்கு அடி: வாசன் கோஷ்டி கைது

சென்னை:

சென்னையில் தமிழக இளைஞர் காங்கிரஸ் மாவட்டத் தலைவர் தாக்கப்பட்ட வழக்கில், மாநில காங்கிரஸ் தலைவர்ஜி.கே.வாசனின் நெருங்கிய ஆதரவாளர்கள் 3 பேரை போலீஸார் கைது செய்துள்ளனர்.

மத்திய சென்னை இளைஞர் காங்கிரஸ் தலைவராக இருந்து வருபவர் தண்டபாணி. இவர் கடந்த 22ம் தேதி அமைந்தகரைபகுதியில் அடையாளம் தெரியாத சிலரால் தாக்கப்பட்டார். படுகாயமடைந்த அவர் மருத்துவமனையில் அனுமதிக்கப்பட்டுசிகிச்சைக்குப் பின்னர் வீடு திரும்பினார். தாக்குதல் குறித்து போலீஸார் விசாரணை நிடத்தினர்.

இந்த விசாரணையின் இறுதியில் ஜி.கே.வாசனின் ஆதரவாளர்களான முனவர் பாட்சா, தீனன், கதிரவன் ஆகியோரை போலீஸார்தற்போது கைது செய்துள்ளனர்.

இளைஞர் காங்கிரஸ் தலைவர் தாக்கப்பட்டது தொடர்பாக வாசன் ஆதரவாளர்கள் கைது செய்யப்பட்டுள்ளதால் தமிழக காங்கிரஸ்கட்சியில் மீண்டும் சலசலப்பு ஏற்பட்டுள்ளது.