கெளரவ டாக்டர் பட்டத்தை ஏற்க மறுத்த கலாம்

பாட்னா:

பாட்னா பல்கலைக்கழகம் நாளை வழங்கவிருந்த கெளரவ அறிவியல் டாக்டர் பட்டத்தை ஏற்க ஜனாதிபதி அப்துல் கலாம்மறுத்துவிட்டார்.

இது குறித்து ஜனாதிபதி மாளிகையில் இருந்து பல்கலைக்கழகத்திற்கு அனுப்பட்டுள்ள செய்திக் குறிப்பில் கூறியிருப்பதாவது:

ஜனாதிபதி எந்த பல்கலைக்கழகத்தில் இருந்தும் தமக்கு கெளரவ டாக்டர் பட்டம் வழங்கப்படுவதை ஏற்பதில்லை என்று முடிவுசெய்துள்ளார்.

அதனால் தங்கள் பல்கலைக்கழகம் நாளை வழங்கும் கெளரவ அறிவியல் டாக்டர் பட்டத்தையும் ஜனாதிபதி ஏற்க மறுத்துள்ளார்என்று பாட்னா பல்கலைக்கழகப் பதிவாளர் யாதவுக்குத் தெரிவிக்கப்பட்டுள்ளது.