இன்று 18 இலங்கை அகதிகள் வருகை

ராமேஸ்வரம்:

இலங்கையிலிருந்து இன்று மேலும் 18 அகதிகள் தமிழகம் வந்தனர்.

இலங்கையில் நிலவி வரும் அமைதியின்மை காரணமாக அங்கிருந்து ஏராளமான தமிழர்கள் அகதிகளாக வந்த வண்ணம்உள்ளனர். இதுவரை 300க்கும் மேற்பட்டோர் அகதிகளாக வந்துள்ளனர்.

இந்த நிலையில் இன்று காலை 5 குடும்பங்களைச் சேர்ந்த 18 அகதிகள் தனுஷ்கோடி அருகே உள்ள அரிச்சனைப் பகுதிக்குபடகுகள் மூலம் வந்தனர். இவர்கள் அனைவரும் திரிகோணமலை மற்றும் பேசாலை ஆகிய பகுதிகளைச் சேர்ந்தவர்கள்.

தனுஷ்கோடி போலீஸார் அவர்களிடம் விசாரணை நடத்திய பின்னர் மண்டபம் அகதிகள் முகாமுக்கு அனுப்பி வைத்தனர்.