நான் சல்லியன்: வைகோ கூறிய மகாபாரத கதை

அருப்புக்கோட்டை:

மகாபாரதக் கதையைக் கூறி, அதிமுக கூட்டணிக்கு வாருங்கள் என்று தனக்கு அழைப்பு விட்ட அதிமுக அவைத் தலைவர்காளிமுத்துவுக்கு அதே மகாபாரதக் கதையைக் கூறி பதில் கொடுத்துள்ளார் வைகோ.

ஆனால், இந்தப் பதில் திமுகவுக்கு விடப்பட்ட எச்சரிக்கையாகவும் அமைந்துள்ளதால், வைகோ விவகாரத்தில் பரபரப்பு இன்னும்அதிகரித்துள்ளது.

சமீபத்தில் அதிமுக பொதுக் கூட்டத்தில் காளிமுத்து பேசுகையில், கெளரவர்களிடம் (திமுக) கர்னணாக இருக்காதீர்கள்,பாண்டவர்கள் (அதிமுக) பக்கம் வந்து அர்ஜூனனாக இருந்து பெருமை கொள்ளுங்கள் என்று வைகோவுக்கு அழைப்புவிடுத்தார்.

இன்னொரு கூட்டத்தில் பேசிய காளிமுத்து, லட்சுமணனாக இருக்க (அப்ப ராமர் யாரு.. ஜெயலலிதா தான்) அதிமுகவுக்குவாருங்கள் என்றும் வைகோவுக்கு கதவு திறந்தார்.

நேற்று அதிமுகவினரின் திருமண நிகழ்ச்சியில் பேசிய ஜெயலலிதாவோ, வந்தாரை வரவேற்பேன், வழிகாட்டி வாழ வைப்பேன்என்று அதிமுகவின் கதவுகளோடு, ஜன்னலையும் சேர்த்துத் திறந்தார்.

அதிமுக சார்பில் வைகோவுக்கு நேரடியாக விடுக்கப்பட்ட அழைப்புகள் இவை.

இந் நிலையில் விருதுநகர் மாவட்டம் காரியாபட்டியில் நடந்த மாவட்ட மதிமுக செயலாளர் சண்முகசுந்தரம் குடும்ப திருமணநிகழ்ச்சியில் கலந்து கொண்ட வைகோ, அதே மகாபாரதக் கதையிலிருந்து இன்னொரு நிகழ்வை எடுத்துச் சொல்லிகாளிமுத்துவுக்குப் பதில் (பதிலடி அல்ல) தந்தார்.

தனது பதிலில் திமுகவை மறைமுகமாக இடிக்கவும் செய்தார்.

வைகோ பேசுகையில், மகாபாரதத்தில் பஞ்ச பாண்டவர்களுக்கும், துரியோதனனுக்கும் இடையே போர் ஏற்பட்டது. அப்போதுபஞ்ச பாண்டவர்கள், தங்கள் தாய் மாமனான சல்லியனை, மாமன்தானே என்று அழைப்பு விடுக்காமல் விட்டு விட்டனர்.

சல்லியன் மனமுடைந்து போனான். இதைப் பயன்படுத்திக் கொண்ட துரியோதனன், முறையான அழைப்பு கொடுத்து, சல்லியனைசந்தித்து சிறப்பாக விருந்தோம்பல் செய்து உபசரித்தான். இதனால் மகிழ்ந்து போன சல்லியன், கெளரவர்கள் பக்கம் சேர்ந்துகொண்டான்.

போரில் தோல்வி அடைந்த பஞ்ச பாண்டவர்கள், நாடு, சொத்து, சுகம் அத்தனையையும் இழந்து தவித்தனர்.

எனவே, நம்மவர், நம்மவர் என்று கவனிக்காமல், முறையாக விருந்தோம்பல் செய்யாவிட்டால், எங்கு நல்ல உபசரிப்புகிடைக்கிறதோ அங்கு போய் விடுவார்கள் என்றார் வைகோ.

வைகோவின் இந்தப் பொடி பேச்சு, அதிமுக, திமுக ஆகிய இரு கட்சிகளுக்கும் பல செய்திகளை தெரிவிப்பதாகஅமைந்துள்ளது.