லாரி- மினி லாரி மோதலில் 4 பேர் சாவு

திருவண்ணாமலை:

திருவண்ணாமலை மாவட்டம் செங்கம் அருகே மினி லாரியும், லாரியும் நேருக்கு நேர் மோதிக் கொண்டதில் ஒரு பெண் உள்பட 4 பேர் பலியானார்கள். 5 பேர் காயமடைந்து மருத்துவமனையில் அனுமதிக்கப்பட்டுள்ளனர்.

செங்கம் அருகே உள்ள நிலையூர் என்ற கிராமத்தைச் சேர்ந்த சிலர் சாவு நிகழ்ச்சியில் கலந்து கொள்வதற்காக மினி லாரியில் சென்று கொண்டிருந்தனர். பாய்ச்சல் என்ற கிராமத்திற்கு அருகே மினி லாரி போய்க் கொண்டிருந்தபோது எதிரே வந்த லாரி பயங்கரமாக மோதியது.

இதில் மினி லாரியில் பயணித்த ஒரு பெண் உள்பட 4 பேர் பரிதாபமாக இறந்தனர். ஐந்து பேர் படுகாயமடைந்தனர்.

காயமடைந்தவர்கள் செங்கம் மற்றும் திருவண்ணாமலை அரசு மருத்துவமனைகளில் அனுமதிக்கப்பட்டுள்ளனர்.