இளைஞர் காங் தலைவராகும் கார்த்திக் சிதம்பரம்?

சென்னை:

தமிழக இளைஞர் காங்கிரஸ் தலைவராக நிதியமைச்சர் ப.சிதம்பரத்தின் மகன் கார்த்திக் சிதம்பரம் நியமிக்கப்படக் கூடும் எனதெரிகிறது.

தமிழக காங்கிரஸ் தலைவர் ஜி.கே.வாசன் ஓரிரு நாட்களில் அப்பொறுப்பிலிருந்து விலக்கப்படவுள்ளார். அவருக்குப் பதில்,முன்னாள் எம்.பியும், வன்னிய சமுதாயத்தைச் சேர்ந்தவருமான வந்தவாசி கிருஷ்ணசாமி நியமிக்கப்படவுள்ளதாக தகவல்கள்வெளியாகின்றன.

கிருஷ்ணசாமியின் மகன் டாக்டர் விஷ்ணுபிரசாத் தற்போது தமிழக இளைஞர் காங்கிரஸ் தலைவராக உள்ளார். ஒரே நேரத்தில்தந்தையும், மகனும், கட்சியின் உயர் பொறுப்புகளில் இருப்பது சரியல்ல என்பதால் விஷ்ணு பிரசாத் அப்பொறுப்பிலிருந்துமாற்றப்படவுள்ளார்.

விஷ்ணுபிரசாத்துக்குப் பதில் புதிதாக நியமிக்கப்படவுள்ள இளைஞர் காங்கிரஸ் தலைவர் யார் என்ற எதிர்பார்ப்பு எழுந்துள்ளது.

இந்தப் பதவியை தனக்கு மகனுக்குத் தர ப.சிதம்ரம், தனது மகனுக்கு வாங்கித் தர ஈவிகேஸ் இளங்கோவன் உள்ளிட்டோர்தீவிரமாக முயன்று வருகின்றனர்.

அனேகமாக இப்பதவியில் ப.சிதம்பரத்தின் மகன் கார்த்திக் சிதம்பரம் நியமிக்கப்படக் கூடும் எனத் தெரிகிறது.

ப.சிதம்பரத்தின் வழியில் அரசியலில் ஈடுபட்டு வரும் கார்த்திக் சிதம்பரம், அவ்வப்போது தமிழகத்தின் பல்வேறு பகுதிகளுக்குச்சென்று கட்சிக் கூட்டங்களிலும் கலந்து கொண்டு பேசுகிறார்.

தனது தந்தையின் மக்களவைத் தொகுதியான சிவகங்கையை கவனித்து வரும் கார்த்திக், அப்படியே வரும் சட்டமன்றத் தேர்தலில்காரைக்குடி தொகுதியில் போட்டியிட முயன்று வருகிறார்.

இந் நிலையில் இளைஞர் காங்கிரஸ் தலைவர் பதவி கார்த்தி சிதம்பரத்திற்கு கிடைக்க நிறைய வாய்ப்புக்கள் உள்ளதாகக்கூறப்படுகிறது.