ம.த.தே வேட்பாளர்களை முடிவு செய்ய குழு!!!

சென்னை:

மக்கள் தமிழ் தேசம் கட்சியின் சார்பில் போட்டியிடவுள்ள வேட்பாளர்களைத் தேர்வு செய்வதற்கு 9 பேர் கொண்ட குழுவை அக்கட்சி மேலிடம் அமைத்துள்ளது.

மக்கள் தமிழ் தேசம் கட்சி திமுக கூட்டணியில் இடம் பெற்றுள்ளது. கடந்த தேர்தலில் இளையாங்குடி தொகுதியில் இக் கட்சியின் தலைவர் ராஜ.கண்ணப்பன் போட்டியிட்டுத் தோற்றார். இந்தத் தேர்தலில் எத்தனை சீட் கிடைக்கும் என்று தெரியவில்லை. ஆனால் 100 தொகுதிகள் வரை தங்களுக்கு செல்வாக்கு இருப்பதாக கண்ணப்பன் கூறி வருகிறார்.

தற்போது மாவட்ட நிர்வாகிகளின் ஆலோசனைக் கூட்டத்தை நடத்தி வருகிறார் கண்ணப்பன். இந் நிலையில் தேர்தல் பணிகளைக் கவனிப்பதற்கும், வேட்பாளர்களைத் தேர்வு செய்வதற்கும் 9 பேர் கொண்ட குழுவை மக்கள் தமிழ் தேசம் நியமித்துள்ளது.

வெற்றி வாய்ப்புள்ள தொகுதிகளை கண்டறிந்தவுடன் அந்தப் பட்டியல் திமுக தலைவர் கருணாநிதியிடம் வழங்கப்படும் என கண்ணப்பன் தெரிவித்துள்ளார்.

இக்கட்சிக்கு ஒரு இடம் கிடைக்கக் கூடும். அதில் கண்ணப்பனே போட்டியிடக் கூடும்.