For Daily Alerts
Just In
வி.ஜி. சந்தோஷத்துக்கும் கலைமாமணி: ஜெ
சென்னை:
வி.ஜி.பி. குழுமங்களின் அதிபர் வி.ஜி.சந்தோஷத்திற்கும் கலைமாமணி விருது வழங்கப்படுவதாக தமிழக அரசு அறிவித்துள்ளது.
திரைத் துறையினர் மற்றும் பல்வேறு துறைகளைச் சேர்ந்த 123 பேருக்கு தமிழக அரசு கலைமாமணி விருதுகளை அறிவித்துள்ளது. இந் நிலையில் இப்பட்டியலில் புதிதாக வி.ஜி.சந்தோஷத்தின் பெயரையும் இடைச் செருகல் செய்துள்ளது.இதுதொடர்பாக தமிழக அரசு வெளியிட்டுள்ள அறிக்கையில், இயல், இசை, நாடகம் மற்றும் திரைத் துறையைச் சேர்ந்த 123 பேருக்கு கலைமாமணி விருதுகள் அறிவிக்கப்பட்டுள்ளன.
இந்தப் பட்டியலில் விஜிபி நிறுவனங்களின் அதிபர் வி.ஜி.சந்தோஷமும் சேர்க்கப்பட்டுள்ளார். வரும் 25ம் தேதி சென்னையில் நடைபெறும் விழாவில் வி.ஜி.சந்தோஷத்திற்கு முதல்வர் ஜெயலலிதா கலைமாமணி விருதினை வழங்குவார் என்று தெரிவிக்கப்பட்டுள்ளது.
திமுக மீது சில நாடார் சமூக அமைப்புகள் அதிருப்தி தெரிவித்து வரும் நிலையில் அச் சமூகத்தினருக்கு ஐஸ் வைக்கும் முயற்சியாகவே திடீரென விஜி சந்தோஷத்தையும் அரசு சேர்த்துள்ளதாகத் தெரிகிறது.
Comments
Story first published: Thursday, February 16, 2006, 5:30 [IST]