தேர்தல் தேதி: இன்று டெல்லியில் முக்கிய கூட்டம்

டெல்லி:

தமிழக தேர்தல் ஏற்பாடுகள், தேர்தல் தேதி குறித்து முடிவு செய்ய மாநில தலைமைச் செயலாளர்கள், காவல்துறைதலைவர்கள் கூட்டத்தை மத்திய தேர்தல் ஆணையம் இன்று டெல்லியில் கூட்டியுள்ளது.

தமிழகம் தவிர தேர்தலை சந்திக்கப் போகும் மேற்கு வங்கம், அஸ்ஸாம், பாண்டிச்சேரி, கேரளா ஆகிய மாநிலஅதிகாரிகள் இக் கூட்டத்தில் பங்கேற்கின்றனர்.

தலைமைத் தேர்தல் ஆணையர் டாண்டன் ஏற்கனவே இந்த மாநிலங்களில் ஒரு சுற்று பயணம் செய்து ஆய்வைமுடித்துவிட்டார். 3 வருடமாக ஒரே இடத்தில் பணியாற்றும் தேர்தல் பணி தொடர்பான அதிகாரிகள், கலெக்டர்கள்,சொந்த ஊரில் பணியாற்றுபவர்ளை இடமாற்றம் செய்ய அவர் உத்தரவிட்டார்.

இந் நிலையில் இன்றைய கூட்டம் டாண்டன் தலைமையில் நடக்கிறது. வாக்காளர் பட்டியல், அடையாள அட்டைவழங்குதல், பாதுகாப்பு ஏற்பாடுகள், தேர்தல் தேதி ஆகியவை குறித்து இக் கூட்டத்தில் விவாதிக்கப்பட்டுமுடிவெடுக்கப்படவுள்ளது.