அதிமுகவில் இயக்குனர் மனோபாலா
சென்னை:
பிரபல திரைப்பட இயக்குனர், நடிகர் மனோபாலா இன்று அதிமுகவில் இணைந்தார்.
அதிமுகவில் பல்வேறு நடிகர்கள் இணைந்து வருகின்றனர். நடிகர்கள் செந்தில், விஜயக்குமார், ஆனந்தராஜ், முரளிஆகியோரைத் தொடர்ந்து இன்று மனோபாலாவும் அதிமுகவில் சேர்ந்தார்.முதல்வர் ஜெயலலிதாவை அவரது போயஸ் கார்டன் இல்லத்தில் சந்தித்து தன்னை அதிமுகவில் இணைத்துக்கொண்டார்.
இயக்குனர் பாரதிராஜவிடம் உதவியாளராக திரையுலகில் நுழைந்த மனோபாலா பின்னர் ஊர்க்காவலன், ஆகாயகங்கை, பிள்ளை நிலா உள்ளிட்ட பல படங்களை இயக்கியுள்ளார். சமீப காலமாக அவர் பல்வேறுதிரைப்படங்களில் நகைச்சுவை கேரக்டர்களில் நடித்து வருகிறார்.
தமிழக அரசு சமீபத்தில் அறிவித்த கலைமாமணி விருது பெற்றவர்களில் மனோபாலாவும் ஒருவர் என்பதுகுறிப்பிடத்தக்கது.
இவரும் விஜய்குமார், செந்திலைப் போல முக்குலத்தோர் சமூகத்தைச் சேர்ந்தவரே.
விஜய்குமார் அதிமுகவில் சேர்ந்துள்ளது இது 3வது முறையாகும். எம்ஜிஆர் இருந்தபோதும், பின்னர் முதல்முறையாக ஜெயலலிதா முதர்வரானபோதும் அதிமுகவில் இணைந்தார். இப்போதும் இணைந்துள்ளார். அதே போலசெந்தில் அதிமுகவில் சேர்ந்தது இது இரண்டாவது முறையாகும்.
விஜய்குமாரின் கலைக் குடும்பமே அதிமுகவுக்காக தேர்தல் பிரச்சாரத்தில் ஈடுபடவுள்ளது குறிப்பிடத்தக்கது.
நிதி நெருக்கடியில் இருக்கும் பார்த்திபனையும் அதிமுகவில் சேர்க்க முயற்சி எடுக்கப்பட்டுள்ளது. அதே போலவிவேக்குக்கு வீசப்பட்ட வலையில் அவர் இன்னும் விழவில்லை.