மனைவியுடன் ஆர்.வி.உதயகுமார் அதிமுகவில்..

சென்னை:

இயக்குனர்ர் ஆர்.வி.உதயக்குமாரும், அவரது மனைவி சுஜாதாவும் முதல்வர் ஜெயலலிதாவை சந்தித்து அதிமுகவில்இணைந்தனர்.

கூட்டணிக்கு வர எந்த முக்கியக் கட்சியும் தயாராக இல்லாத நிலையில் தனது அணிக்கு கிளாமரைச் சேர்க்கும்வகையில் ஒட்டுமொத்த கோலிவுட்டுக்குமாக சேர்த்து பெரிய வலையாக வீசியிருக்கிறது அதிமுக.

அதில் சினிமா வாய்ப்பு போனவர்கள் போன மீன்கள் சிக்கியும் வருகின்றன.

நடிகர்கள் விஜயக்குமார் (இவர் அதிமுகவில் சேர்ந்தது இது தேர்ட் டைம்), முரளி (இவர் மனைவி ஷோபாவோடுசேர்ந்தார்), காமெடியன் செந்தில் (இவருக்கு அதிமுகவில் இது செகண்ட் எண்ட்ரி), இயக்குனர் மனோபாலாஉள்ளிட்டோரைத் தொடர்ந்து தற்போது இயக்குனர் ஆர்.வி.உதயக்குமாரும் அதிமுகவில் இணைந்துள்ளார்.

சின்னக் கவுண்டர், எஜமான் போன்ற கதையம்சம் கொண்ட படங்களை எடுத்த உதயகுமாருக்கு சினிமா ரொம்பதூரமாகி ரொம்ப நளாகிவிட்டது. சமீபத்தில் லட்சுமி ராயைப் போட்டு கற்க கசடற படத்தை எடுத்தார்.

படுதோல்வி அடைந்த அந்தப் படத்துக்குப் பின் கோலிவுட்டில் உதயகுமாரை கண்டு கொள்ள ஆளில்லை. இந்நிலையில் உதயக்குமார், அவரது மனைவியும் திரைக்கதை ஆசிரியருமான சுஜாதா ஆகியோர் முதல்வர்ஜெயலிலதாவை அவரது போயஸ் தோட்ட இல்லத்தில் சந்தித்து அதிமுகவில் இணைந்து கொண்டனர்.

மீனா, விந்தியா, குஷ்பு ஆகியோரையும் அதிமுகவில் சேர்க்க தீவிர முயற்சி எடுக்கப்பட்டு வருவதாகத் தெரிகிறது.

சூர்யா, விக்ரமிடம் அதிமுக தரப்பில் பேசப்பட்டதாகவும், சூர்யாவுக்கு அரசியல் பிடிக்காது, அவன் சினிமாலேஇப்போ தான் வளர்ற பையன், அவருக்கு இதெல்லாம் வேண்டாம் என அவரது தந்தை சிவக்குமார்கூறிவிட்டதாகவும். விக்ரமோ நான் அரசியலில் சேரும் அளவுக்கு பெரிய ஆள் இல்லை என்று கூறிவிட்டதாகவும்தெரிகிறது.

இந் நிலையில் கலைமாமணி விருது பெறத் தேர்வு செய்யப்பட்டுள்ள நடிகர் சார்லி இன்று முதல்வரை அவரதுஅலுவலகத்தில் சந்தித்து வாழ்த்து பெற்றார்.

இவர்கள் தவிர, நடிகர்கள் வி.எஸ்.ராகவன், வெண்ணிற ஆடை மூர்த்தி, ராதாரவி, இயக்குனர் பி.வாசு,இசையமைப்பாளர் தேவா, நடிகைகள் சச்சு, ராஜ சுலோச்சனா உள்ளிட்டோரும் ஜெயலலிதாவை சந்தித்து வாழ்த்துபெற்றனர்.