தமிழக சிறை சாலைகள் முன் தமுமுக போராட்டம்

சென்னை:

தமிழக சிறைகளில் அடைக்கப்பட்டுள்ள முஸ்லீம் கைதிகளை விடுவிக்க வேண்டும்அல்லது ஜாமீனில் விடுதலை செய்ய வேண்டும் என்று கோரி தமிழக முஸ்லீம்முன்னேற்றக் கழகம் சார்பில் மத்திய சிறைச்சாலைகள் முன்பு இன்று ஆர்ப்பாட்டம்நடத்தப்பட்டது.

கோவை குண்டுவெடிப்பு வழக்கு உள்ளிட்ட பல்வேறு வழக்குகளில் கைதுசெய்யப்பட்டு, பல்வேறு சிறைச்சாலைகளில் நீண்ட காலமாக அடைக்கப்பட்டுள்ளமுஸ்லீம் சமுதாயத்தைச் சேர்ந்த கைதிகளை உடனடியாக விடுதலை செய்ய வேண்டும்.

அல்லது குறைந்தபட்சம் அவர்களை ஜாமீனிலாவது விடுதலை செய்ய வேண்டும்என்று கோரி தமிழ்நாடு முஸ்லீம் முன்னேற்றக் கழகம் சார்பில் சிறைச்சாலைகள் முன்புஆர்ப்பாட்டம் நடத்தப்பட்டது.

சென்னை மத்திய சிறை முன்பாக போராட்டம் நடத்த பேரணியாக சென்ற 500க்கும்மேற்பட்டவர்களைப் போலீஸார் கைது செய்தனர்.

கோவை மத்திய சிறை முன்பு 5,000க்கும் மேற்பட்டோர் போராட்டத்தில் கலந்துகொண்டனர். அனைவரையும் போலீஸார் கைது செய்தனர்.

இதேபோல, மதுரை, திருச்சி உள்பட தமிழகத்தின் பல்வேறு மத்தியச் சிறைச்சாலைகள்முன்பு ஆயிரக்கணக்கான தொண்டர்கள் போராட்டத்தில் ஈடுபட்டு கைதாகினர்.