இன்று மத்திய பட்ஜெட் தாக்கல் செய்கிறார் ப.சி

டெல்லி:

2006-07ம் ஆண்டுக்கான மத்திய பட்ஜெட்டை நிதியமைச்சர் ப.சிதம்பரம் இன்று நாடாளுமன்றத்தில் தாக்கல்செய்கிறார்.

இந்த பட்ஜெட்டில் தனியார்மயமாக்கலை விரைவுபடுத்தும் வகையிலான அறிவிப்புகள் வெளியாகலாம் என்றுதெரிகிறது. அதே போல நாட்டின் உள்கட்டமைப்பு வளர்ச்சிக்கும் விவசாயத்துறையின் வளர்ச்சிக்கும், மின்சாரஉற்பத்தியைப் பெருக்கவும் அதிக நிதி ஒதுக்கப்படும்.

நிலக்கரி, சுரங்கத்துறைகளில் தனியாரை அனுமதிப்பது குறித்த அறிவிப்பும் இருக்கலாம்.

அதே நேரத்தில் வருமான வரியில் பெரிய அளவில் மாற்றங்கள் இருக்காது என்றாலும் மாதச் சம்பளதாரர்களுக்குசிறிய சலுகைகள் இருக்கலாம்.

கார்கள் மீதான 8 சதவீத கூடுதல் கலால் வரி வாபஸ் பெறப்படலாம் என்று கருதப்படுகிறது. இதனால் கார்களின்விலை குறையலாம்.

தமிழகம் உள்ளிட்ட 5 மாநிலங்களில் தேர்தல் வருவதால் பட்ஜெட்டில் வரி விதிப்புகள் கடுமையாக இருக்காதுஎன்று நம்பப்படுகிறது. தேர்தலை சந்திக்கும் நிலையில் மத்திய அரசை ஆதரிக்கும் திமுகவும், மேற்கு வங்கத்தில்இடதுசாரிகளும் பட்ஜெட்டில் சாதாரண மக்களுக்கு சுமை இருப்பதை ஏற்க மாட்டார்கள் என்பதால் சுமைஇல்லாத பட்ஜெட்டாகவே இது இருக்கும் என்று தெரிகிறது.