உலகின் குஷியான நாடு-125வது இடத்தில் இந்தியா

லண்டன்:

உலகிலேயே மக்கள் மிக மகிழ்ச்சியாக வாழும் நாடு என்ற பெயரை டென்மார்க் தட்டிச்சென்றுள்ளது. இந்தியாவுக்கு 125வது இடம் கிடைத்துள்ளது. கடைசி இடத்தில்புரூண்டி உள்ளது.

இங்கிலாந்தின் லீசெஸ்டர் பல்கலைக்கழக உளவியல் பிரிவு பேராசிரியர்ஆட்ரியன்ஒயிட் என்பவர் இதுதொடர்பாக ஆய்வு நடத்தி அதன் முடிவை வெளியிட்டுள்ளார்.

மொத்தம் 178 நாடுகளில் இந்த ஆய்வு நடத்தப்பட்டது. உலகிலேயே மிகவும்சந்தோஷமாக, சோகமாக இருக்கும் நாடுகள் இந்தப் பட்டியலில் இடம் பிடித்துள்ளன.

இந்த ஆய்வின்படி உலகிலேயே மிகவும் சந்தோஷமான நாடு டென்மார்க் தான்.மிகவும் சோகமான நாடு புரூண்டி. இது பட்டியலில் கடைசி இடத்தில் உள்ளது.

யுனெஸ்கோ, சிஐஏ, உலக சுகாதார நிறுவனம் உள்ளிட்ட பல்வேறு அமைப்புகளின்புள்ளிவிவரங்களின் அடிப்படையில் இந்த ஆய்வு நடத்தப்பட்டுளளது.

டென்மார்க்குக்கு அடுத்த இடத்தில் ஸ்விட்சர்லாந்து, ஆஸ்திரியா, ஐஸ்லாந்து,பஹாமஸ், பின்லாந்து, ஸ்வீடன், பூடான் (அட..), புரூனே, கனடா, அயர்லாந்து,லக்ஸம்பர்க், கோஸ்டாரிகா, மால்டா, ஆண்டிகுவா-பார்புடா, மலேசியா, நியூசிலாந்து,நார்வே, செஷல்ஸ் ஆகிய நாடுகள் முதல் 20 இடங்களில் உள்ளன.

இதில் சீனாவுக்கு 82வது இடமும், ஜப்பானுக்கு 90வது இடமும் கிடைத்துள்ளது.இந்தியா 125வது இடத்தில் உள்ளது. நம்மை விட சோகமான நாடாக ரஷ்யா 167வதுஇடத்தில் உள்ளது.

அதிக மக்கள் தொகை கொண்ட சீனாவும், இந்தியாவும் மகிழ்ச்சியான நாடுகளாகஇல்லை என்பதிலிருந்து மக்கள் தொகைக்கும், மகிழ்ச்சிக்கும் ரொம்பத் தூரம் என்பதுஇந்த ஆய்வின் மூலம் தெரிய வந்திருப்பதாக ஒயிட் கூறியுள்ளார்.

வாழ்க்கைத் தரம், வாழ்க்கையில் திருப்தி உள்ளிட்ட பல்வேறு கேள்விகள் ஆய்வில்கலந்து கொண்டோரிடம் கேட்கப்பட்டு அதன் அடிப்படையில், மகிழ்ச்சியானநாடுகளின் பட்டியல் தயாரிக்கப்பட்டுள்ளது.

மொத்தம் 80,000 பேர் இந்த ஆய்வில் பங்கு கொண்டனர். சுகாதாரம், உடல நலம்,பொருளாதாரம், கல்வி அறிவு, வேலைவாய்ப்பு உள்ளிட்ட துறைகளில் கேள்விகள்கேட்கப்பட்டன.

வாழ்க்கையில் திருப்தி அடைந்துள்ள ஒரு சமுதாயத்தில்தான் வளர்ச்சி, முன்னேற்றம்ஆகியவை சாதகமான கோணத்தில் செல்லும் என்று ஆய்வுகள் நிரூபித்துள்ளனஎன்றார் ஒயிட்.

இங்கிலாந்துக்கு இந்தப் பட்டியலில் 41வது இடம்தான் கிடைத்துள்ளது. உலகின்மிகவும் சோகமான நாடு என்ற பெருமையை ஆப்பிரிக்க நாடான புரூண்டிபெற்றுள்ளது.

அதேபோல காங்கோ, ஜிம்பாப்பே ஆகிய நாடுகள் புரூண்டிக்கு முந்தையஇடங்களைப் பெற்றுள்ளன.