உமாதேவி என்னை பழி வாங்குகிறார்-ஹரீஷ்

சென்னை:

தன் மனைவி உமாதேவி வேண்டுமென்றே வரதட்சணை புகார் கொடுத்து என்னை பழிவாங்குகிறார் என பின்னணி பாடகரும் நடிகருமான ஹரீஷ் ராகவேந்தரா கூறியுள்ளார்.

அவர் கூறுகையில்,

உமாதேவியை 2003ம் ஆண்டு திருமணம் செய்தேன். எனது துரதிஷ்டம் அவர்சந்தேகப் பெண்மணியாக அமைந்தார். கலை உலகில் உள்ளவர்களுக்கு ஆண், பெண்வித்தியாசம் இல்லாமல் பழகும் சந்தர்ப்பங்கள் அதிகம். இதை சந்தேகப்பட்டார்.இதனால் கருத்து வேறுபாடு ஏற்பட்டது.

அவரும் ஒரு நிறுவனத்தில் வேலை பார்த்தார். முப்பை, டெல்லி, லண்டனுக்குதனியாகச் சென்று வருவார். பலமுறை இரவு நேரங்களில் உடன் பணிபுரிபவர்களுடன்வீட்டுக்கு வருவார்.

அப்போது நான் சந்தேகப்பட்டதில்லை. ஆனால் அவர் என்னை சந்தேகவார்த்தைகளால் குத்தி கிழித்தார். பின்னர் கோபித்துக் கொண்டு மலேசியாவுக்குசென்று விட்டார். அங்கு கிரிமினல் வழக்கறிஞரான அவரது சகோதரியுடன் சேர்ந்துஎன்னை பழிவாங்க, வரதட்சணை கேட்டு கொடுமைப்படுத்துவதாக வழக்குதொடர்ந்தார்.

வழக்கு பொய்யானது என்று நீதிமன்றம் தள்ளுபடி செய்துவிட்டது. திருமணத்தைபதிவு செய்த விருகம்பாக்கம் ரிஜிஸ்டர் அலுவலகத்தில் வரதட்சணை வாங்கவும்இல்லை, கொடுக்கவும் இல்லை என்று அவர்கள் கையெழுத்து போட்டுகொடுத்திருக்கிறார்கள். அது பதிவேட்டில் உள்ளது.

இவ்வளவு தூரம் வந்த பிறகு இனி அவருடன் வாழ முடியாது என்று விவாகரத்துவழக்கு போட்டேன். அந்த வழக்கில் செப்டம்பர் 11ம் தேதி தீர்ப்பு வர இருக்கிறது.

விவகாரத்து கிடைத்து விட்டால் தொந்தரவு கொடுக்க முடியாது என்பதற்காகஇப்போது மீண்டும் புகார் கொடுத்துள்ளார். வரதட்சனை கொடுமைக்கு எதிரான சட்டம்பெண்களின் பாதுகாப்புக்காக கொண்டு வரப்பட்டது. ஆனால் உமா தேவி என்னைபழிவாங்க அதைப் பயன்படுத்துகிறார்.

2 வருடம் மனைவியை பிரிந்து அவளை பார்க்காமல் வாழும் என்னால், எப்படிவரதட்சணை கேட்டு சித்ரவதை செய்ய முடியும்? என் புகழை கெடுத்து, எனக்கும் என்குடும்பத்திற்கும் மன உளைச்சலை தர வேண்டும் என்பது அவர்களது நோக்கம்.

அதனால் தான் நல்ல நண்பராக பழகிவரும் பெண்ணை (டிவி நடிகை பிரதீபா) கூட,தப்பாக இணைத்து பேசி அவரது குடும்பத்திற்கும் இடையூறு ஏற்படுத்தமுயற்சிக்கிறார்.

எனது வயதான பெற்றோர் இதனால் துயரத்திற்கு ஆளாகி உள்ளனர். என்னையும் என்குடும்பத்தையும் தொடர்ந்து அவமானப்படுத்தி வரும் உமாதேவி மீது மான நஷ்டவழக்கு தொடர இருக்கிறேன் என கூறினார்.