மதுரை-அதிமுக வேட்பாளர் ராஜன் செல்லப்பா

மதுரை:

மதுரை மத்திய தொகுதிக்கு நடக்கவுள்ள இடைத் தேர்தலில் அதிமுக சார்பில் மாவட்டச் செயலாளர் ராஜன்செல்லப்பா போட்டியிடுவார் என ஜெயலலிதா அறிவித்துள்ளார்.

இந்தத் தொகுதியின் எம்எல்ஏ பி.டி.ஆர். பழனிவேல் ராஜன் மறைந்ததைத் தொடர்ந்து அக்டோபர் 11ம் தேதிஇடைத் தேர்தல் நடக்கிறது. நேற்று முன் தினம் இதற்கான வேட்பு மனு தாக்கல் தொடங்கியது.

இத் தொகுதியில் திமுக சார்பில் பழனிவேல்ராஜனின் மனைவி ருக்மணி நிறுத்தப்படுவார் என்று தெரிகிறது.

அதிமுக சார்பில் கடந்த முறை போட்டியிட்ட ஜக்கையன், ராஜன் செல்லப்பா மேலும் சசிகலா ஆகியோரதுபெயர்கள் அடிபட்டன.

இந் நிலையில் ராஜன் செல்லப்பாவை வேட்பாளராக அறிவித்துள்ளார் அதிமுக பொதுச் செயலாளர் ஜெயலலிதா.

இதற்கிடையே அதிமுக பொருளாளர் டிடிவி தினகரன், மாஜி அமைச்சர்கள் ஓ.பன்னீர்செல்வம்,செங்கோட்டையன் உள்ள மூத்த நிர்வாகிகள் மதுரையில் முகாமிட்டு தேர்தல் பணிகளை முடுக்கிவிட்டுள்ளனர்.

திமுக சார்பில் ருக்மணி தவிர, மதுரை துணை மேயர் கவுஸ் பாட்சாவின் பெயரும் அடிபடுகிறது.

தேமுதிக சார்பில் விஜய்காந்தின் மனைவி பிரேமலதா, பொருளாளரான டைரக்டர் சுந்தர்ராஜன் ஆகியோரில்ஒருவர் நிறுத்தப்படலாம் என்று தெரிகிறது. இந்தத் தொகுதியில் தான் விஜய்காந்தின் பெற்றோரின் வீடு உள்ளதுகுறிப்பிடத்தக்கது.

கடந்த தேர்தலில் இத் தொகுதியில் தேமுதிக சார்பில் போட்டியிட்ட சுந்தர்ராஜன் 12,000 வாக்குகள் பெற்றதுநினைவுகூறத்தக்கது.

கடந்த தேர்தலில் வேட்பாளர்கள் பெற்ற ஓட்டு விவரம்:

மொத்த ஓட்டுக்கள்- 1,34,913

பதிவானவை- 94,226

பிடிஆர் பழனிவேல்ராஜன் (திமுக)-43,185

ஜக்கையன் (அதிமுக)- 35,992

சுந்தர்ராஜன் (தேமுதிக)- 12,038

வரும் அக்டோபர் மாதம் முதல் வாரத்தில் இருந்து இந்தத் தொகுதியில் பிரச்சாரம் களை கட்டப் போகிறது.முதல்வர் கருணாநிதி தலைமையில் திமுக அமைச்சர்களும் ஜெயலலிதா தலைமையில் அதிமுகவும் தீவிரபிரச்சாரத்தில் இறங்கப் போகின்றன.

அதிமுகவுக்கு ஆதரவாக மதிமுக பொதுச் செயலாளர் வைகோ, விடுதலை சிறுத்தைகள் பொதுச் செயலாளர்திருமாவளவன் ஆகியோரும் பிரச்சாரம் செய்யவுள்ளனர்.

ராஜன் செல்லப்பா மனு தாக்கல்:

இந் நிலையில் மதுரை மத்திய தொகுதி அதிமுக வேட்பாளராக அறிவிக்கப்பட்டுள்ள ராஜன் செல்லப்பா இன்றுகாலை வேட்பு மனுவை தாக்கல் செய்தார்.

ஏராளமா அதிமுகவினர் புடை சூழ தேர்தல் அதிகாரி மூக்கையாவிடம் தனது வேட்பு மனுவை அவர்வழங்கினார்.