தமிழக பாஜக தலைவராகிறார் இல.கணேசன்?

சென்னை:

தமிழக பாஜக தலைவராக இல.கணேசனை நியமிக்கப்படலாம் என்று தெரிகிறது.

கடந்த ஒரு மாதமாக தமிழக பாரதீய ஜனதா நிர்வாகிகள் தேர்தல் நடந்து வருகிறது. கிளை, ஒன்றியங்கள்,மாவட்ட தலைவர்கள் அளவில் நடக்கும் தேர்தல் இன்றுடன் முடிவடைகிறது. இதையடுத்து பாஜகவின் புதியமாநிலத் தலைவரை தேர்வு செய்யவதற்கான தேர்தல் வரும் 22ம் தேதி நடக்கிறது. இதற்கான வேட்பு மனு தாக்கல்21ம் தேதி நடைபெறவுள்ளது.

இந்தப் பதவிக்கு இப்போதைய தலைவர் ராதாகிருஷ்ணன், பொன். ராதாகிருஷ்ணன், எச்.ராஜா, திருநாவுக்கரசர்ஆகியோர் போட்டியிடப் போவதாகக் கூறப்பட்டது.

தமிழக பாஜக விவகாரங்களை கவனிக்கும் உயர் மட்ட குழுவில் பண்டாரு தத்தாத்ரேயா, ராதாகிருஷ்ணன்,சுகுமாரன் நம்பியார், பொன் ராதாகிருஷ்ணன், கே.என்.லட்சுமணன், எச்.ராஜா, மோகன்ராஜூலு, திருநாவுக்கரசர்,வைத்திலிங்கம், வேலாயுதம் உள்பட 12 பேர் இடம் பெற்றுள்ளனர்.

இவர்களில் பெரும்பாலானோர் ஆதரவும், ஆர்எஸ்எஸ், பஜ்ரங் தள், விஎச்பி அமைப்புகளின் ஆதரவும்இருப்பதால் பொன்.ராதாகிருஷ்ணனுக்கு உள்ளது. ஆனால் திருநாவுக்கரசர், எச்.ராஜா ஆகியோரும் இந்தப்பதவியை குறி வைத்துள்ளனர்.

இதனால் போட்டி இல்லாமல் ஒருமனதாக தலைவரை தேர்வு செய்ய கட்சி மேலிடம் தீவிரம் காட்டி வருகிறது.

வாஜ்பாய், அத்வானி உள்ளிட்டவர்களின் ஆதரவு இல. கணேசனுக்கு இருப்பதால் அவரையே தமிழக பாஜகதலைவராக்க இரு தலைவர்களும் விரும்புகின்றனர். இப்போது இல.கணேசன் அகில இந்திய துணை பொதுச்செயலாளராக இருக்கிறார்.