டான்ஸ் மாஸ்டரின் திருட்டு மனைவி கைது

சென்னை:

டைரக்டரின் வீட்டில் கிரெடிட் கார்டை திருடி நகைகள் வாங்கிய டான்ஸ் மாஸ்டரின் மனைவி கைதுசெய்யப்பட்டுள்ளார்.

அறிந்தும் அறியாமலும், பட்டியல் ஆகிய படங்களை இயக்கியவர் விஷ்ணுவர்த்தன. இவரது மனைவி அனு.இவர்களது வீடு நுங்கம்பாக்கம் ஸ்டெர்லிங் அவென்யூவில் உள்ளது.

டான்ஸ் மாஸ்டரான கல்யாண விஷ்ணுவர்த்தனின் நெருங்கிய நண்பர். அதே போல கல்யாணின் மனைவிஹேமாவும் விஷ்ணுவின் மனைவி அனுவும் தோழிகள். இதனால் விஷ்ணு வீட்டுக்கு ஹேமா அடிக்கடி செல்வார்.

இந் நிலையில் விஷ்ணுவின் வீட்டில் இன்டீரியர் டெக்கரேசன் வேலைகள் நடந்தன. இதை சரோஜினி என்பவர்செய்து வந்தார். சரோஜினியும் அவரது ஆட்களும் வேலை பார்த்துக் கொண்டிருந்தபோது அங்கு ஹேமாவும்வந்தார்.

கைதான ஹேமா

சிறிது நேரத்தில் ஹேமா கிளம்பிச் சென்றுவிட்டார். ஹேமா போன பின்னர் நெடு நேரம் கழித்து சரோஜினி தனதுஹேண்ட் பேகை பார்த்தபோது அதிலிருந்த கிரெடிட் கார்டை காணவில்லை. உடனடியாக வங்கிக்கும்போலீசாருக்கு அவர் தகவல் தந்தார்.

நகைக் கடை வீடியோவில் பதிவான ஹேமா

உடனடியாக கார்டை பிளாக் செய்தனர் வங்கி அதிகாரிகள். அந்த கார்டின் வரவு-செலவை வங்கியினர்சோதனையிட்டபோது, பிளாக் செய்யப்படுவதற்கு சிறிது நேரத்துக்கு முன் அந்த கார்டை பயன்படுத்தி ஒருநகைக் கடையில் ரூ. 80,000க்கு நகைகள் வாங்கப்பட்டது தெரியவந்தது.

இதையடுத்து அந்த நகைக் கடையில் போலீசார் விசாரணை நடத்தினர். அங்குள்ள குளோஸ் சர்க்யூட்கேமராக்களில் பதிவான வீடியோவை போலீசார் சோதனையிட்டபோது ஹோமா நகை வாங்கியது வீடியோவில்பதிவாதியிருந்தது.

இதைத் தொடர்ந்து ஹோமாவிடம் போலீசார் விசாரித்தபோது, கார்டை திருடியதையும் நகைகள் வாங்கியதையும்ஒப்புக் கொண்டார்.

அவரை கைது செய்த போலீசார் நகைகளை பறிமுதல் செய்தனர்.