பிரதமர் போகும் சாலையில் ஜல்லிக்கட்டு!

டெல்லி:

பிரதமர் மன்மோகன் சிங் செல்லும் சாலையில் புகுந்த காளை மாட்டைப் பிடிக்க பாதுகாலர்கள் கடும் போராட்டம்நடத்தி, கிட்டத்தட்ட 6 மணி நேரத்திற்குப் பின்னர் மயக்க ஊசி போட்டு மாட்டைப் பிடித்தனர். இதனால் அங்குபரபரப்பு ஏற்பட்டது.

பிரமதர் மன்மோகன் சிங்கின் அதிகாரப்பூர்வ இல்லம் உள்ள சப்தர்ஜங் சாலையிலிருந்து சற்று தொலைவில் உள்ளமகாதேவ் சாலை. இது பிரதமர் அடிக்கடி செல்லும் சாலை என்பதால் அங்கு எப்போதுமே பலத்த பாதுகாப்புஇருக்கும்.

நேற்று காலை 9.30 மணிக்கு மந்திர் மார்க் என்ற இடத்திலிருந்து ஒரு காளை மாடு, மகாதேவ் சாலையில்நுழைந்தது. இதைப் பார்த்த பிரதமரின் பாதுகாவலர்கள் பதட்டமடைந்தனர். பிரதமர் வரும் நேரமாக பார்த்துமாடு வந்து விட்டதால் அவர்கள் பரபரப்படைந்தனர்.

உடனடியாக சில காவலர்கள், மாட்டைப் பிடிக்க முயன்றனர். ஆனால் அது முரட்டுக் காளை மாடு என்பதால்எளிதில் அவர்களிடம் சிக்காமல் டேக்கா காட்டியது. மேலும் சில காவலர்கள் சேர்ந்து கொண்டு காளை மாட்டைப்பிடிக்க முயன்றபோது அது குஷியாக ஓடத் தொடங்கியது.

மகாதேவ் சாலையிலிருந்து ஓடத் தொடங்கிய காளை மாடு, கன்னாட் பிளேஸ், கோல் மார்க்கெட் என ஒவ்வொருபகுதியாக ஓடத் தொடங்கியது. மாட்டைப் பிடிக்க காவலர்களும், பொதுமக்கள் சிலரும் கூடவே ஓடியதால்அலங்காநல்லூர் ஜல்லிக்கட்டு போல அந்தக் காட்சி தோற்றமளித்தது.

காளை மாடு தறி கெட்டு ஓடிவருவதைப் பார்த்த சாலையில் போனவர்கள் அதிர்ச்சியடைந்து தெறித்து ஓடினர்.இப்படியாக ஓடிய மாடு, கடைசியில் ராம் மனோகர் லோஹியா மருத்துவமனை அருகே போய் நின்றது.

புஸ் புஸ் என்று மூச்சு விட்டபடி நின்ற மாடு அதற்கு மேல் எங்கே போவது என்று தெரியாமல் முழித்தது.அதேசமயம், தன்னை நெருங்க முயன்ற பாதுகாவலர்களையும் அது அருகே வர விடாமல் கொம்புகளை ஆட்டிஆட்டி பயறுத்தியது.

மாட்டை எப்படிப் பிடிப்பது என்று யோசித்துப் பார்த்த பாதுகாவலர்களுக்கு கண்ணுக்கு எதிரே தெரிந்தலோஹியா மருத்துவமனையைப் பார்த்ததும் ஒரு ஐடியா வந்தது. சில காவலர்கள் மருத்துவமனைக்குச் சென்றுமாட்டைப் பிடிக்க மயக்க மருந்து தந்து உதவுமாறு கோரினர்.

இதையடுத்து மருத்துவனையிலிருந்து சில ஊழியர்கள் மயக்க மருந்துடன் வந்தனர். அதை துப்பாக்கி முலம்மாட்டின் மீது ஏவவே, சில நிமிடங்களில் மாடு மயக்கமடைந்து பொத்தென்று படுத்து விட்டது.

இதையடுத்து மாட்டை நெருங்கிய பாதுகாவலர்கள் அதை அடக்கி அங்கிருந்து அப்புறப்படுத்தினர். இதன்மூலம் 6 மணி நேரமாக நடந்த ஜல்லிக்கட்டு முடிவுக்கு வந்தது.