தமிழக சட்டசபை 20ம் தேதி கூடுகிறது

சென்னை:இந்த ஆண்டின் முதல் சட்டசபைக் கூட்டத் தொடர் ஆளுநர் உரையுடன் 20ம் தேதி காலை தொடங்குகிறது.

இது குறித்து சபாநாயகர் ஆவுடையப்பன் இதுகுறித்து இன்று செய்தியாளர்களிடம் பேசுகையில், 20ம் தேதிகாலை 9.30 மணிக்கு சட்டசபை கூடுகிறது. முதலில் தமிழ்த் தாய் வாழ்த்து பாடப்படும்.

பின்னர் ஆளுநர் பர்னாலா உரை நிகழ்த்துவார். அவரது ஆங்கில உரையின் தமிழாக்கம் பின்னர் வாசிக்கப்படும்.அத்துடன் கூட்டம் முடிவடையும்.

பின்னர் அலுவல் ஆய்வுக் குழு கூடி கூட்டத்தை எத்தனை நாட்களுக்கு நடத்துவது என்பது குறித்து முடிவுசெய்யப்படும்.

இக்கூட்டத் தொடர் ஒரு வார காலம் நடக்கும். முக்கிய மசோதாக்கள் எதுவும் தாக்கல் செய்யப்படாது என்றார்ஆவுடையப்பன்.