தியேட்டர்களையும் விடாத காணும் பொங்கல்!

சென்னை:காணும் பொங்கலையொட்டி சென்னை மெரீனா, பெசன்ட் நகர் எலியாட்ஸ் கடற்கரை, நீலாங்கரை, கிழக்குக் கடற்கரைச் சாலை, மகாபலிபுரம் ஆகிய கடற்கரை பகுதிகளும் வண்டலூர் உயிரியல் பூங்கா, கிண்டி சிறுவர் பூங்கா ஆகிய இடங்களிம் ஜனக் கடலாக மாறிவிட்டன.

பொங்கல் திருவிழாவின் கடைசி நாள் காணும் பொங்கலாக கொண்டாடப்படுகிறது. இதனால் கடற்கரைகளிலும், பொழுதுபோக்கு ஸ்தலங்களிலும், விஜிபி, கிஷ்கிந்தா, குயீண்ஸ்லேண்ட், டிஸ்சிவேர்ல்ட் உள்ளிட்ட தீம் பார்க்குகளிலும் மக்கள் ஆயிரக்கணக்கில் கூடினர்.

மேலும் முட்டுக்காடு படகுத்துறை, ராயல் சர்க்கஸ், தியேட்டர்களிலும் ஏகப்பட்ட கூட்டம் கூடியது.