4.85 லட்சம் மாணவர்களுக்கு சைக்கிள்-கருணாநிதி

சென்னை:தமிழகம் முழுவதும் பிளஸ்டூ பயிலும் 4.84 லட்சம் மாணவ, மாணவியருக்கு இலவசசைக்கிள் வழங்கும் பணியை முதல்வர் கருணாநிதி இன்று சென்னையில் தொடங்கிவைத்தார்.

ஜெயலலிதா ஆட்சியில் பிளஸ் ஒன், பிளஸ்டூ படிக்கும் மாணவ, மாணவியருக்குஇலவச சைக்கிள் வழங்கும் திட்டம் அறிமுகப்படுத்தப்பட்டது.

திமுக ஆட்சியிலும் இத் திட்டம் தொடர்ந்து செயல்படுத்தப்படும் என முதல்வர்கருணாநிதி ஏற்கனவே அறிவித்திருந்தார். அதன்படி இந்த ஆண்டு பிளஸ் ஒன்படிக்கும் மாணவ, மாணவியர் 4 லட்சத்து 84 ஆயிரத்து 57 பேருக்கு இலவச சைக்கிள்வழங்கப்படுகிறது.

ரூ. 102.82 கோடிசெலவில் இந்த சைக்கிள்கள் வாங்கப்பட்டன. கடந்த ஆண்டு பச்சைநிறத்தில் கொடுக்கப்பட்ட இலவச சைக்கிள்கள் இந்த ஆண்டு நீலக் கலருக்குமாறியுள்ளன.

இந்த சைக்கிள் வழங்கும் நிகழ்ச்சி சென்னை தலைமைச் செயலகத்தில் இன்று நடந்தது.முதல்வர் கருணாநிதி சைக்கிள்களை சில மாணவ, மாணவியருக்கு வழங்கிதிட்டத்தைத் தொடங்கி வைத்தார்.

தமிழகம் முழுவதும் பிளஸ் ஒன் படிக்கும் மாணவ, மாணவியருக்கு பிப்ரவரி 15ம்தேதிக்குள் சைக்கிள்களை வழங்கி முடிக்க தமிழக அரசு திட்டமிட்டுள்ளது.

சைக்கிள் வழங்கும் நிகழ்ச்சிக்குப் பின்னர் செய்தியாளர்களிடம் கருணாநிதிபேசுகையில், பிற்படுத்தப்பட்ட வகுப்பைச் சேர்ந்த 95,062 மாணவர்களுக்கும், 1.17லட்சம் மாணவிகளுக்கமாக மொத்தம் 2.12 லட்சம் பேருக்கும்;

மிகவும் பிற்படுத்தப்பட்டோர் மற்றும் சீர்மரபினர் வகுப்பைச் சேர்ந்த 66,006மாணவர்களுக்கும், 68,752 மாணவிகளுக்குமாக மொத்தம் 1,34,758 பேருக்கும்சைக்கிள் வழங்கப்படுகிறது.

இரு பி>வினரையும் சேர்த்து மொத்தம் 3.47 லட்சம் பேருக்கு ரூ. 73.78 கோடிமதிப்பில் சைக்கிள்கள் வழங்கப்படுகின்றன.

இதேபோல தாழ்த்தப்பட்ட மற்றும் பழங்குடியின வகுப்பைச் சேர்ந்த 58,815மாணவர்களுக்கும், 65,609 மாணவிகளுக்கும் மொத்தமாக 1.24 லட்சம் பேருக்கு ரூ.26.37 கோடி மதிப்பில் சைக்கிள்கள் வழங்கப்படுகின்றன.

இதர வகுப்பினர் பிரிவில் மொத்தம் 12,614 மாணவ, மாணவியருக்கு ரூ. 2.67 கோடிமதிப்பிலான சைக்கிள்கள் வழங்கப்படுகின்றன. 2006-07ம் ஆண்டில் மொத்தமாக4,84,057 மாணவ, மாணவியருக்கு சைக்கிள்கள் வழங்கப்படவுள்ளன என்றார்.

இந் நிகழ்ச்சியில் சபாநாயகர் ஆவுடையப்பன், அமைச்சர்கள் ஆற்காடு வீராசாமி,பொன்முடி, தமிழரசி, எம்.ஆர்.கே.பன்னீர் செல்வம் உள்ளிட்டோரும் கலந்துகொண்டனர்.