4 தேமுதிக கவுன்சிலர்கள் பதவியேற்பு

சென்னை:சென்னை மாநகராட்சிக்கு தேர்ந்தெடுக்கப்பட்ட நான்கு தேமுதிக கவுன்சிலர்களும் இன்று பதவியேற்றுக் கொண்டனர்.

சென்னை மாநகராட்சிக்கு நடந்த மறு தேர்தலில் 67 வார்டுகளில் தேமுதிக போட்டியிட்டது. இதில் 5 பேர் வெற்றி பெற்று கவுன்சிலர்கள் ஆயினர்.ஆனால் அடுத்த நாளே 27வது வார்டு தேமுதிக கவுன்சிலர் சர்தார், தேமுதிகவிலிருந்து விலகி திமுகவில் போய் சேர்ந்து விட்டார்.

புதிதாக தேர்ந்தெடுக்கப்பட்ட 96 கவுன்சிலர்கள் கடந்த 26ம் தேதி பதவியேற்றனர். தேமுதிகவைச் சேர்ந்த நான்கு பேர் மட்டும்பதவியேற்கவில்லை. அவர்கள் அனைவரும் இன்று பதவியேற்றுக் கொண்டனர்.

சேகர் (3), உஷா (45), சரவணன் (48), பிரபாகரன் (63) ஆகிய நான்கு தேமுதிக கவுன்சிலர்களுக்கும், ஆணையர் ராஜேஷ் லக்கானிபதவிப்பிரமாணம் செய்து வைத்தார்.

நான்கு தேமுதிக கவுன்சிலர்களும் விஜயகாந்த் கல்யாண மண்டபத்திலிருந்து ஆட்டோக்களில் ஊர்வலமாக அழைத்து வரப்பட்டனர். இதனால்அந்த ஆட்டோக்கள், கார்கள் சென்ற பாதை முழுவதும் போக்குவரத்து லேசாக பாதிக்கப்பட்டது.

சர்தார் ராஜினாமா?

இதற்கிடையே திமுகவில் போய்ச் சேர்ந்து விட்ட 27வது வார்டு கவுன்சிலர் சர்தார் ராஜினாமா செய்துள்ளதாக கூறி தேமுதிக சார்பில் ஒரு கடிதம்மாநகராட்சி ஆணையரிடம் வழங்கப்பட்டுள்ளது.

இதுதொடர்பாக வட சென்னை தேமுதிக தலைவர் தியாகராஜன் கூறுகையில் தேர்தலுக்கு முன்பு சர்தார் கட்சி மேலிடத்திடம் ஒரு கடிதத்தைக்கொடுத்தார். அதில், தேமுதிக சார்பில் போட்டியிட்டு கட்சியின் உழைப்பாலும், செல்வாக்காலும் வெற்றி பெற்ற பின்னர் கட்சி விரோத செயலில்இறங்க மாட்டேன்.

அப்படி நடந்து கொண்டாலோ, வேறு கட்சிக்கு தாவினாலோ எனது கவுன்சிலர் பதவியை ராஜினாமா செய்து விடுகிறேன். அதற்கான கடிதமாகஇதையே பயன்படுத்திக் கொள்ளலாம் என்று கூறப்பட்டுள்ளது.

இதை சர்தாரின் ராஜினாமா கடிதமாக ஏற்க வேண்டும் என தேமுதிக சார்பில் தெரிவிக்கப்பட்டுள்ளது. இந்தக் கடிதத்தை ஏற்க முடியுமா என்பதுகுறித்து சட்டப் பிரிவின் ஆலோசனைக்கு கடிதத்தை அனுப்பி கேட்பதாக ஆணையர் ராஜேஷ் லக்கானி உறுதியளித்தார்.

இந்தக் கடிதம் குறித்து சர்தார் கூறுகையில், விஜயகாந்த் மக்களைக் காப்பார் என்று எண்ணித்தான் இக்கட்சியல் சேர்ந்தேன். விஜயகாந்த்தை நான்குறை கூறவில்லை. ஆனால் அவருக்கு கீழ் இருப்பவர்கள் கட்சியை விற்கப் பார்க்கிறார்கள்.

நான் பதவியை ராஜினாமா செய்ய மாட்டேன். தொடர்ந்து திமுகவில் செயல்படுவேன் என்றார் சர்தார்.