அரசு செயலாளர் பெயரில் ரூ. 11 லட்சம் சுருட்டிய வழக்கறிஞர்!

தர்மபுரி: தர்மபுரியில் அரசுத்துறை செயலாளர் என்ற பெயரில் டாக்டரிமும் வனத்துறை அதிகாரியிடமும் ரூ. 11 லட்சம் பறித்த வழக்கறிஞரை போலீசார் கைது செய்தனர்.

தர்மபுரி மாவட்டம் பாப்பிரெட்டிபட்டியைச் சேர்ந்த வழக்கறிஞர் குமார் (55). இவருக்கு 4 மனைவிகள். தமிழ், தெலுங்கு, மலையாளம், ஆங்கிலம் ஆகிய மொழிகளில் புலமை கொண்டவர் இவர்.

இந் நிலையில் ஒசூர் அரசு மருத்துவமனையில் பணியாற்றி வரும் டாக்டர் பொன்ராஜிடம் தமிழக அரசு சுகாதாரத் துறை செயலாளர் போல பேசி ரூ. 6 லட்சம் கேட்டு வாங்கியுள்ளார்.

அதே போல தமிழக வனத்துறை செயலாளர் போல வனத்துறை அதிகாரி கணேசனிடம் ரூ. 5 லட்சம் கேட்டு வாங்கியுள்ளார்.

தாங்கள் ஏமாற்றப்பட்டதை அறிந்த இருவரும் இது குறித்து போலீஸ்ல் புகார் செய்தனர். இதையடுத்து விசாரணை நடத்திய போலீசார் வழக்கறிஞர் குமார் மீது வழக்குப் பதிவு செய்தனர்.

இதையடுத்து தலை மறைவான குமார் இப்போது போலீசில் பிடிபட்டுள்ளார்.