போலீசை தாக்கிய வழக்கு-21 ஆண்டுக்கு பின் ஜான்பாண்டியன் ஆஜர்

நெல்லை: போலீசை தாக்கிய வழக்கு விசாரணையில் 21 ஆண்டுகளுக்குப் பின் நெல்லை நீதிமன்றத்தில் ஜான்பாண்டியன் ஆஜர்படுத்தப்பட்டார்.

நெல்லை கோர்ட் வாளகத்தில் கடந்த 1987-ம் ஆண்டு ஜான்பாண்டியன் ஆதரவாளர்களுக்கும், போலீசாருக்கும் இடையே நடந்த மோதலில் போலீசார் கல்வீசி தாக்கப்பட்டனர். இதையடுத்து ஜான்பாண்டியன் உள்ளிட்ட 79 பேர் மீது வழக்கு தொடரப்பட்டு நெல்லை மாவட்ட 2-வது செசன்சு கோர்டில் விசாரணை நடந்து வருகிறது.

தற்போது 21 ஆண்டுகளுக்கு பிறகு இந்த வழக்கில் சாட்சி விசாரணை நடந்தது. சேலம் சிறையில் அடைக்கப்பட்டிருந்த ஜான் பாண்டியன் பலத்த போலீஸ் பாதுகாப்புடன் நெல்லை கோர்ட்டில் ஆஜர்படுத்தப்பட்டார்.