• search
For Quick Alerts
ALLOW NOTIFICATIONS  
For Daily Alerts

நாடு முழுவதும் கலவரங்கள்: தலைமை நீதிபதி கங்குலி கண்டனம்

By Staff
|

சென்னை: நாட்டின் பாரம்பரிய வரலாற்றை சிதைக்கும் வகையில் நாட்டின் பல்வேறு பகுதிகளில் நடந்துவரும் கலவரங்கள், வன்முறைகள் கண்டனத்துக்குரியவை என்று சென்னை உயர்நீதிமன்ற தலைமை நீதிபதி ஏ.கே.கங்குலி தெரிவித்துள்ளார்.

சென்னையில் நடந்த ஈத் மிலன் கூட்டத்தில் கங்குலி நேற்று கலந்து கொண்டார். அப்போது அவர் பேசுகையில், நாட்டின் பல்வேறு பகுதிகளில் மதத்தின் பெயரால் நடைபெறும் அனைத்து விதமான வன்முறைச் செயல்களையும் அனைத்து மதத்தினராலும் கடுமையாக கண்டிக்கப்பட வேண்டியவை.

இந்த வன்முறைச் சம்பவங்கள் பெரும் கவலை அளிக்கின்றன. நமது நாட்டின் பாரம்பரிய வரலாற்றை சிதைக்கும் வகையில் இவை உள்ளன.

கொல்கத்தாவில் துர்கா பூஜையை இந்துக்களும், முஸ்லீம்களும் இணைந்து கொண்டாடுவதை நாம் இந்த நேரத்தில் நினைவில் கொள்ள வேண்டும். நமது இந்திய மனங்களில் ஊறிப் போயுள்ள சகோதரத்துவ உணர்வு அது. அது கெடாமல் அனைவரும் பார்த்துக் கொள்ள வேண்டும். பொறுமை, சகிப்புத்தன்மை நமது ரத்தத்தில் உள்ளது. அதுதான் இந்த நாட்டின் உயிரும், உணர்வும் கூட.

சிறு சிறு பிரச்சினைகளுக்காக நாம் மோதிக் கொள்ளக் கூடாது. அவற்றைத் தாண்டி வர வேண்டும். வன்முறையால் பாதிக்கப்பட்ட மக்களுக்கு அனைவரும் உதவிக்கரம் நீட்ட வேண்டும். இந்த வன்முறைக்கு முற்றுப்புள்ளி வைக்க வேண்டும் என்றார் அவர்.

இலங்கை துணைத் தூதர் பி.எம். அம்சா, சென்னை உயர்நீதிமன்ற நீதிபதி பாட்ஷா உள்ளிட்டோரும் கலந்து கொண்டனர்.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X