ரூ 16க்கு அரிசி வாங்கி ஒரு ரூபாய்க்கு விற்கும் தமிழகம்!

சென்னை:​ மத்திய அரசிடம் ரூ 16-க்கு அரிசியை வாங்கி ஒரு ரூபாய்க்கு பொது வினி​யோ​கத் திட்​டத்​தின் கீழ் வழங்​குகிறது தமிழக அரசு. இதனால் அரசுக்கு பெரும் நிதிச் சுமை ஏற்படுகிறது.

அரசியலுக்காக செய்யப்பட்டும் இந்த செலவால், மாநிலத்தில் பிற திட்டங்கள் பாதிக்கப்படும் நிலை ஏற்பட்டுள்ளதாக நிபுணர்கள் குற்றம்சாட்டுகின்றனர்.

தமிழகத்துக்கு அரி​சி​க்கு தேவை அதிகமாகவும், சப்ளை குறைவாகவும் உள்ள நிலையில், மத்திய அரசிடம் வெளிச்சந்தை விலைக்கே அரசியைக் கேட்கிறது தமிழக அரசு.

இதன்படி ஒரு கிலோ ரூ.16 என்ற விலைக்கு மத்​திய அர​சி​டம் அரி​சி​யைப் பெறுகிறது தமிழகம்.

ஏற்கெனவே இதுகுறித்த கோரிக்கையை மத்திய அரசுக்குத் தெரிவித்திருந்தது தமிழகம். அதற்கு மத்திய அரசும் ஒப்புக் கொண்டுள்ளது.

தமி​ழ​கம் கோரிய கூடு​தல் அரி​சியை தர ஒப்​புக் கொண்ட​தா​க​வும்,​ அதற்​கான பதிலை தமி​ழக அரசு இது​வரை அளிக்​க​வில்லை, என​வும் மத்​திய வேளாண்​மைத் துறை அமைச்​சர் சரத்​ப​வார் மக்​க​ள​வை​யில் செவ்​வாய்க்​​ழமை கூறி​யது நினைவிருக்கலாம். எனவே தனது சம்மதக் கடிதத்தை இப்போது தமிழக அரசு அளிக்க உள்ளது.

தமி​ழ​கத்​தில் நியாய விலைக் கடை​க​ளில் வழங்​கப்​ப​டும் அரி​சி​யின் ஒரு​மாத தேவை​யின் அளவு 2.55 லட்​சம் டன்​கள். ஆனால்,​ மத்​திய அரசு தமி​ழ​கத்​துக்கு வழங்​கும் அரி​சி​யின் அளவு 2.3 லட்​சம் டன்​தான். எனவே இது தேவை​யின் அளவை விட 25 ஆயி​ரம் மெட்​ரிக் டன் குறை​வா​கும்.

மத்​திய அரசு வழங்​கும் 2.3 லட்​சம் டன்​னில்,​ வறு​மைக் கோட்​டுக்கு கீழே உள்​ள​வர்​க​ளுக்கு என கிலோ ரூ.5.65ல்,​ 1.04 லட்​சம் டன் அரி​சி​யும்,​

வறு​மைக் கோட்​டுக்கு மேலே உள்​ள​வர்​க​ளின் பயன்பாட்டுக்கு கிலோ ரூ.8.30 என்ற அள​வில் 1.26 லட்​ம் டன் அரி​சி​யை​யும் மத்​திய அரசு தரு​கி​றது.

இந்த அரி​சி​யைகத்தான் தமிழக அரசு ஒரு ரூபாய்க்கு நியாய விலைக் கடை​க​ளில் வழங்கி வரு​கி​றது. கூடு​தல் அரி​சித் தேவை இருந்​தால்,​ அதை வெளிச் சந்தை விலைக்கு பெற்​றுக் கொள்​ள​லாம் என்று மத்​திய அரசு கூறி​யி​ருந்​தது.

இதைத் தொடர்ந்து தனக்கு தேவையான 25 ஆயிரம் மெட்ரிக் டன் அரிசியை கிலோ ரூ 16 என வாங்கிக்கொள்ள முடிவெடுத்துள்ளது. உண்மையில்​ இதை​ கிலோ​வுக்கு ரூ.18 என்ற அள​வில் மத்​திய அரசு விற்​கச் சொல்​கி​றது.

ஆனால் கிலோவுக்கு ரூ 15 நஷ்டத்துக்கு பொதுவினியோகத் திட்டத்தின் கீழ் இந்த அரிசியை தமிழக அரசு தருவதால், கூடுதல் நிதிச் சுமை ஏற்படுகிறது.

இந்த அளவு விலைக்கு வேறு எந்த மாநிலமும் மத்திய அரசிடம் அரிசி வாங்குவதில்லை என்பது குறிப்பிடத்தக்கது.