ஆன்லைனில் மீண்டும் சர்ச்சைக்குரிய மிஷெல் ஒபாமா படம்

வாஷிங்டன்: அமெரிக்க அதிபர் ஒபாமாவின் மனைவி மிஷெலை சிம்பன்சியாக சித்தரி்த்துள்ள சர்ச்சைக்குரிய படம் மீண்டும், இணைய தளத்தில் தோன்றி சலசலப்பை ஏற்படுத்தியுள்ளது.

இரண்டு மாதங்களுக்கு பிறகு தற்போது மீண்டும் 'கூகுள்' சர்ச் என்ஜினின் தேடல் பக்கத்தில் முதலாவதாக இப்படம் தோன்றுகிறது.

மிஷெல் ஒபாமாவின் முகத்தை சிம்பன்சி குரங்குடன் 'மார்ஃபிங்' செய்து கடந்த நவம்பர் மாதம் 'ஹாட்கேர்ஸ்' என்ற பிளாக்ஸ்பாட் வெளியிட்டது.

'கூகுள்' சர்ச் என்ஜினில் படங்களை தேடும்போது மிஷெய்ல் ஒபாமா என்று டைப் செய்தால் இந்த படவே முதலாவதாக வந்தது. இது சர்வதேச அளவில் சர்ச்சையை ஏற்படுத்தியது.

இனவெறியின் பிரதிபலிப்பாகக் கருதி பல்வேறு தரப்பினரிடம் இருந்தும் கிளம்பிய எதிர்ப்பை தொடர்ந்து, 'ஹாட்கேர்ஸ்' பிளாக்ஸ்பாட் தனது பிளாக்கில் இருந்து இந்த படத்தை அப்புறப்படுத்திவிட்டு மன்னிப்பும் கேட்டது.

ஆனால், இப்படத்தை அப்புறப்படுத்துவதில் பல்வேறு தொழில்நுட்ப நடைமுறை சிக்கல்கள் இருப்பதாக கூகுள் நிறுவனம் கூறிவிட்டது. மேலும், கருத்து சுதந்திரத்துக்கு இடைஞ்சல் ஏற்படுத்த முடியாது என்ற கொள்கையையும் கூகுள் சுட்டிக்காட்டியது.

எனினும் அப்படம் தேடல் பக்கத்தில் இருந்து தானாகவே பின்னுக்கு தள்ளப்பட்டுவிடும் என கூறப்பட்டு பின்னர் அப்படம் பெரும்பாலானோர் கண்களில் படாமல் இருந்தது.

இந்நிலையில் இரண்டு மாதங்களுக்கு பிறகு அதே படம் மீண்டும் 'கூகுள்' சர்ச் என்ஜினில் முதலாவதாக தோன்றி சலசலப்பை ஏற்படுத்தியுள்ளது.