ஆப்கானிஸ்தானுக்கு 2 நாள் பயணமாக புறப்பட்டார் மன்மோகன் சிங்

டெல்லி: ஆறு ஆண்டுகளுக்குப் பிறகு 2 நாள் பயணமாக ஆப்கானிஸ்தான் கிளம்பிச் சென்றார் பிரதமர் மன்மோகன் சிங்.

ஆறு ஆண்டுகளுக்கு முன்பு முதல் முறையாக ஆப்கானிஸ்தான் சென்றிருந்தார் பிரதமர் மன்மோகன் சிங். அதன் பின்னர் இன்று அவர் ஆப்கானிஸ்தானுக்குப் புறப்பட்டுச் சென்றார். 2 நாள் அங்கு அவர் பயணம் செய்கிறார்.

தீவிரவாதம், பிராந்திய வளர்ச்சி உள்ளிட்டவை குறித்து ஆப்கானிஸ்தான் தலைவர்களுடன் அவர் விவாதிக்கவுள்ளார்.

அதிபர் ஹமீத் கர்ஸாயையும் அவர் சந்தித்துப் பேசுகிறார். அப்போது தீவிரவாதத்திற்கு எதிரான போர், ஆப்கானிஸ்தானின் வளர்ச்சிக்கு இந்தியாவின் உதவிகள் உள்ளிட்டவை குறித்து கர்ஸாயுடன் முக்கியப் பேச்சு நடத்தவுள்ளார்.

பிரதமருடன், தேசிய பாதுகாப்பு ஆலோசகர் எஸ்.எஸ்.மேனன், வெளியுறவுத்துறை செயலாளர் நிரூபமா ராவ், பிரதமரின் சிறப்புத் தூதர் சதீந்தர் லம்பா உள்ளிட்டோரும் சென்றுள்ளனர்.

பின்லேடன் கொல்லப்பட்டுள்ள நிலையில் பிரதமர் ஆப்கானிஸ்தான் பயணம் மேற்கொண்டிருப்பது முக்கியத்துவம் வாய்ந்ததாக கருதப்படுகிறது.

English summary

Six years after he made his first trip to Afghanistan as Prime Minister, Manmohan Singh today embarked on a two-day visit to Kabul during which he will discuss terrorism, regional development and ways to step up India's assistance to the war-torn country. The Prime Minister has emphasised that his discussions with President Hamid Karzai will cover regional developments and the fight against terrorism. National Security Advisor Shivshankar Menon, Foreign Secretary Nirupama Rao and Prime Minister's special envoy to Afghanistan Satinder Lamba and other senior officials were accompanying the Prime Minister.