அனிதா ராதாகிருஷ்ணன் வழக்கு: போலீசார் மதுரை உயர் நீதிமன்றத்தி்ல் மேல்முறையீடு

திருச்செந்தூர்: எம்.எல்.ஏ. அனிதா ராதாகிருஷ்ணனை தங்கள் காவலில் எடுத்து விசாரிக்க திருச்செந்தூர் நீதிமன்றம் போதிய அவகாசம் கொடு்க்காததால் போலீசார் மதுரை உயர் நீதிமன்றத்தில் மேல்முறையீடு செய்யவிருக்கின்றனர்.

திருச்செந்தூர் திமுக எம்.எல்.ஏ. அனிதா ராதாகிருஷ்ணனை ஆறுமுகநேரி நகர திமுக செயலாளர் சுரேஷை கொலை செய்ய முயன்றது, டாஸ்மாக் பாரில் வெடிகுண்டு வீசத் தூணடியது, திமுக அலுவலகத்துக்கு தீ வைக்கத் தூண்டியது ஆகிய 3 வழக்குகளின் கீழ் கைது செய்து திருச்சி சிறையில் அடைக்கப்பட்டுள்ளார்.

இந்த 3 வழக்குகளிலும் அவரிடம் விசாரிக்க வேண்டும் என்று திருச்செந்தூர் மாவட்ட உரிமையியல் மற்றும் குற்றவியல் நீதித்துறை நடுவர் நீதிமன்றத்தில் ஆறுமுகநேரி போலீசார் மனு தாக்கல் செய்தனர்.

இந்த மனு மீதான விசாரணை கடந்த 20 மற்றும் 22-ம் தேதி நடந்தது. 22-ம் தேதியன்று நடந்த விசாரணை முடிவில், மனுவில் 3 வழக்குகளில் தனித்தனியாக காவலில் எடுத்து விசாரி்க்க அனுமதி கோரவில்லை என்றும், அதில் போதிய விவரங்கள் இல்லை என்றும் கூறி மனு நிராகரிக்கப்பட்டது.

இதையடுத்து ஆறுமுகநேரி போலீசார் அனிதா ராதாகிருஷ்ணன் மீது டாஸ்மாக் பாரில் வெடிகுண்டு வீசத் தூண்டியது, தி்முக அலுவகத்தை தீ வைக்கத் தூணடியது ஆகிய 2 வழக்குகளில் போலீஸ் காவலில் வைத்து விசாரிக்க நீதிமன்றத்தில் மனு கொடுத்தனர். இதற்காக நேற்று அனிதா ராதாகிருஷ்ணனை திருச்செந்தூர் நீதிமன்றத்தில் ஆஜர்படுத்தப்பட்டார்.

இரு தரப்பு வாதங்களை கேட்ட நீதிபதி ஆறுமுகநேரி திமுக அலுவலகத்தை தீ வைக்கத் தூண்டிய வழக்கில் 6 மணி நேரமும், டாஸ்மாக் பாரில் வெடிகுண்டு வீசத் தூண்டிய வழக்கில் 3 மணி நேரமும் போலீஸ் காவலில் விசாரிக்க அனுமதி வழங்கி உத்தரவிட்டார்.

மேலும் அவர் கூறுகையில்,

அனிதா ராதாகிருஷ்ணனை ஆறுமுகநேரி காவல் நிலையத்துக்கு உட்பட்ட அரசு மருத்துவமனை தலைமை மருத்துவரிடம் அழைத்துச் சென்று மருத்துவ சான்றிதழ் பெற வேண்டும். அவரை மனரீதியாகவோ, உடல் ரீதியாகவோ எந்தவிதமான துன்புறுத்தக் கூடாது என்றும் உத்தரவிட்டார்.

அனிதா ராதாகிருஷ்ணனை விசாரிக்க போதுமான கால அவகாசம் இல்லாததால் மதுரை உயர் நீதிமன்றத்தில் மேல் முறையீடு செய்வதகாக போலீசார் மனு தாக்கல் செய்தனர். இதையடுத்து அடுத்த மாதம் 12-ம் தேதி அனிதா ராதாகிருஷ்ணனை ஆஜர்படுத்தும்படி நீதிபதி உத்தரவிட்டார்.

English summary

Tiruchendur court has given limited hours to investigate DMK MLA Anitha Radhakrishnan in 2 cases. So, the unhappy police have given petition informing that they are going to appeal in the Madurai HC.