எத்தியோப்பியாவில் தீவிரவாதிகள் தாக்கியதில் 5 வெளிநாட்டவர் பலி

அடிஸ் அபாபா: எத்தியோப்பியாவில் 5 வெளிநாட்டுப் பயணிகளை அந்நாட்டு தீவிரவாதிகள் படுகொலை செய்ததாக ஊடகங்கள் செய்தி வெளியிட்டுள்ளன.

இது குறித்து எத்தியோப்பிய தொலைக்காட்சியில் வெளியான செய்தி விவரம்,

எத்தியோப்பியாவில் எரிட்ரியா எல்லை அருகே 8 வெளிநாட்டவர்களை தீவிரவாதிகள் தாக்கியதாக அந்நாட்டு பாதுகாப்பு அமைச்சகம் தெரிவித்துள்ளது. அதில் 2 பேர் படுகாயமடைந்தனர், ஒருவர் காயமின்றி தப்பினார். காயமடைந்தவர்கள் அருகில் உள்ள மருத்துவமனையில் சேர்க்கப்பட்டுள்ளனர் என்று அது செய்தி வெளியிட்டுள்ளது.

2 ஆஸ்திரியர்கள் உள்பட ஐரோப்பிய நாடுகளைச் சேர்ந்த 22 பேரை தீவிரவாதிகள் தாக்கியதாக ஆஸ்திரிய நாட்டு வெளியுறவுத் துறை அமைச்சகத்தின் செய்தித் தொடர்பாளர் பீட்டர் லான்ஸ்கி தெரிவித்துள்ளார்.

தீவிரவாதிகள் தாக்கியதில் ஜெர்மனி, பெல்ஜியம், ஆஸ்திரியா, இத்தாலி மற்றும் ஹங்கேரியைச் சேர்ந்த 5 பேர் இறந்துள்ளனர் என்று எத்தியோப்பியாவின் தொலைத் தொடர்புத் துறை அமைச்சர் தெரிவித்துள்ளார்.

ஆனால் இறந்தவர்கள் யார், யார் என்று குறிப்பிட்டு கூற முடியாது என்று அவர் மேலும் தெரிவித்தார்.

English summary

5 foriegn nationals have been killed in an attack by the terrorists near Eritrea in Ethiopia. Austrian Foreign Ministry spokesman Peter Launsky has told that as many as 22 foreigners were attacked by the terrorists.