கிங்பிஷர் நிறுவனத்துக்கு சோதனை மேல் சோதனை - 40 வங்கிக் கணக்குகள் முடக்கம்

டெல்லி: கிங்பிஷர் நிறுவனம் கடுமையாக நெருக்கடியில் சிக்கித் தவிக்கிறது. ரூ40 கோடி சேவை வரி பாக்கிக்காக அந்நிறுவனத்தின் 40 வங்கிக் கணக்குகள் தற்போது முடக்கி வைக்கப்பட்டுள்ளன.

இது தொடர்பாக சேவை வரிகள் இயக்குநர் சோலங்கி கூறியுள்ளதாவது:

கிங் பிஷர் ஏர்லைன்ஸ் நிறுவனம் சேவை வரியாக செலுத்த வேண்டியதில் ரூ40 கோடி பாக்கி வைத்திருந்தது. இந்த பாக்கியை கட்டுவதற்கு பிப்ரவரி 29ந்தேதி வரை கெடு விதித்திருந்தோம். ஆனால் கெடு காலத்துக்குள் கிங்பிஷர் நிறுவனம் பாக்கித் தொகையை செலுத்தவில்லை. இதனால் கடந்த 2 நாட்களாக அந்நிறுவனத்தின் 40 வங்கிக் கணக்குகளை முடக்கி வைத்துள்ளோம் என்றார் அவர்.

பிப்ரவரி 29-ந் தேதிக்குள் ரூ20 கோடியை செலுத்துவதாக கிங்பிஷர் நிறுவனம் உறுதி அளித்திருந்தது. ஆனால் அதை செலுத்தாததால் இந்நடவடிக்கை மேற்கொள்ளப்பட்டுள்ளது.

கிங்பிஷர் நிறுவனம் ரூ70 கோடி சேவை வரி செலுத்த வேண்டியிருந்தது. கடந்த நவம்பர் மாதம் ரூ30 கோடியை செலுத்திவிட்டது.

கடந்த 4 மாதங்களில் 4 வது முறையாக கிங்பிஷர் நிறுவனத்தின் வங்கிக் கணக்குகள் முடக்கப்பட்டிருக்கின்றன. கடந்த மாதம் வருமான வரித்துறை கிங்பிஷர் வங்கிக் கணக்கை முடக்கியது.

English summary

The crisis at Kingfisher Airlines escalated further with the Service Tax department here freezing as many as 40 bank accounts of the already crippled airline for non-payment of dues to the tune of Rs 40 crore.