உபியில் காங்கிரசுக்கு குறைஞ்சது 100 இடம் கிடைக்கும்: திக்விஜய்சிங் ஆரூடம்

டெல்லி: உத்தரப்பிரதேச சட்டப்பேரவைத் தேர்தலில் காங்கிரசுக்கு குறைந்தபட்சம் 100 இடங்களாவது கிடைக்கும் என்று அக்கட்சியின் பொதுச்செயலாளர் திக்விஜய்சிங் நம்பிக்கை தெரிவித்துள்ளார்.

தேர்தலுக்குப் பிந்தைய கருத்துக் கணிப்புகளின்படி காங்கிரசுக்கு 40 இடங்களுக்கு குறைவாகத்தான் கிடைக்கும் என்று கூறப்படுகிறது. ஆனால் இதனை நிராகரித்துள்ள திக்விஜய்சிங், எக்ஸிட் போல் என்பவை பெரும்பாலும் தவறாகவே இருக்கும். இம்முறையும் இது உறுதி செய்யப்படும் என்றார்.

மேலும் பல கோடிப் பேர் தேர்தலில் வாக்களிக்கின்றனர். ஆனால் ஆயிரம் பேரிடம் கருத்துக் கேட்டுவிட்டு இதுதான் தேர்தல் முடிவு என்று ஆரூடம் கூறுகின்றனர். இது எப்படி சரியானதாக இருக்க முடியும் என்றும் திக்விஜய்சிங் கேள்வி எழுப்பியுள்ளார்.

எங்களுடைய கணிப்புப் படி காங்கிரஸ் கட்சிக்கு உத்தரப்பிரதேசத்தில் குறைந்தபட்சம் 100 இடங்களாவது கிடைக்கும் என்றும் அவர் கூறியுள்ளார்.

English summary

Cngress General Secretary Digvijay Singh today said that he did not believe the exit polls' prediction that his party would win less than 40 seats in the Uttar Pradesh assembly election