காஷ்மீருக்கும், தனி தமிழ் நாடுக்கும் கூட 'ரெபரண்டம்' வைக்கலாமே- சம்பிகே கொழுப்புப் பேச்சு!

கொழும்பு: தமிழ் ஈழத்திற்கு பொது வாக்கெடுப்பு நடத்தலாம் என்று திமுக தலைவர் கருணாநிதி கூறுவதைப் போல காஷ்மீருக்கும், திராவிட நாடுக்கும் கூட பொது வாக்கெடுப்பு நடத்தலாம். முதலில் காஷ்மீருக்கு நடத்தி விட்டு பிறகு தனித் தமிழ்நாடு கோரும் திராவிட நாடுக்கும் வாக்கெடுப்பு நடத்தலாம் என்று கொழுப்புத் தனமாக பேசியுள்ளார் இலங்கை அமைச்சர் சம்பிகே ரணவக்க.

தமிழ் ஈழம் குறித்து திமுக தலைவர் கருணாநிதி கூறியுள்ள வார்த்தைகளை கிண்டலடித்து இந்த ரணவக்கே பேசுகையில், திராவிட நாடு பற்றிப் பேசிய கட்சியைச் சேர்ந்தவர்தான் கருணாநிதி. அவரது ஆசைப்படி தனித் தமிழ்நாடு குறித்து பொது வாக்கெடுப்பு நடத்தலாம். இதற்காக தமிழ்நாட்டில் தனி வாக்கெடுப்பு நடத்தி முடிவு செய்யலாம்.

மேலும், காஷ்மீரை தனி நாடாக்குவது குறித்து பொது வாக்கெடுப்பு நடத்துமாறு இந்திய அரசை கருணாநிதி கேட்டுக் கொள்ளலாம். ஏற்கனவே 1948ம் ஆண்டு ஐ.நா. சபையில் இதுதொடர்பாக தீர்மானம் கூட நிறைவேற்றப்பட்டது. எனவே காஷ்மீரை தனி நாடாக்குவது எளிதான ஒன்றுதான்.

எனவே இலங்கையில் தமிழ் ஈழத்தை உருவாக்குவது குறித்துப் பேசும் முன்பு காஷ்மீர், தனி தமிழ்நாடு குறித்து கருணாநிதி முதலில் நடவடிக்கை எடுக்க வேண்டும் என்று உளறியுள்ளார் ரணவக்க.

English summary

Sri Lankan Patali Champika Ranawaka says DMK leader M. Karunanidhi who personally fought for a separate country for Tamil speaking people in India should first hold a referendum in Tamil Nadu for that demand. Karunanidhi should also ask New Delhi to hold the long overdue referendum in Kashmir which was passed as a resolution at the United Nations in 1948, before he demands a referendum for a Tamil Eelam in Sri Lanka, he added.