இங்கிலாந்தில் உயரும் மக்கள் தொகை- 2027ல் 70 மில்லியனாகும்
லண்டன் : இங்கிலாந்து நாட்டின் மக்கள் தொகை தற்போது 56 மில்லியன் அளவிற்கு அதிகரித்துள்ளது. 2001ம் ஆண்டு வசித்த மக்கள் தொகையோடு ஒப்பிடும்போது இது 7.1 சதவிகிதம் அதிகமாகும்.
இங்கிலாந்து மற்றும் வேல்ஸ் நாட்டில் வசிக்கும் மக்களின் எண்ணிக்கை கடந்த 2001 ம் ஆண்டு எடுக்கப்பட்ட மக்கள் தொகை கணக்கெடுப்பின் போது இருந்ததைக் காட்டிலும் 3.7 மில்லியன் அதிகரித்துள்ளது. இங்கிலாந்தில் தற்போது ஒரு சதுர கிலோமீட்டருக்கு 407 பேர் வசித்து வருகின்றனர்.
இங்கிலாந்திலும், வேல்ஸ் நாடுகளிலும் குடியேறுபவர்களின் எண்ணிக்கை அதிகரித்து வருவதே மக்கள் தொகை அதிகரிக்கக் காரணம் என்று கணக்கெடுப்பாளர்கள் கூறியுள்ளனர். ஐரோப்பிய கண்டத்திலேயே அதிக அளவில் மக்கள் வசிக்கும் நாடுகளில் முதலிடத்தை இங்கிலாந்து தக்கவைத்துக்கொண்டுள்ளது. இரண்டாவதாக ஹாலந்தும், மூன்றாவது இடத்தை மால்டாவும் தக்கவைத்துக்கொண்டுள்ளன.
இங்கிலாந்து நாட்டில் தற்போது 27.6 மில்லியன் ஆண்களும், 28.5 மில்லியன் பெண்களும் வசித்து வருகின்றனர். 1801 ம் ஆண்டு இங்கிலாந்தின் மக்கள் தொகை வெறும் 8.9 மில்லியன் அளவாக மட்டுமே இருந்த மக்கள் தொகை தற்போது 56.1 மில்லியன் அளவாக உயர்ந்துள்ளது. இதே நிலை நீடிக்கும் பட்சத்தில் 2027 ம் ஆண்டு இங்கிலாந்தின் மக்கள் தொகை 70 மில்லியன் அளவிற்கு உயரும் வாய்ப்புள்ளது என்று கணக்கெடுப்பாளர்கள் கூறியுள்ளனர்.
Click it and Unblock the Notifications
Sign in with Google