நீங்க 'பெங்' பெண்ணா.. இல்லை 'பட்டர்ஸ்' பெண்ணா?

லண்டன்: ஆங்கிலத்தைப் போல ஒரு மொழியைப் பார்க்க முடியாது. அந்த அளவுக்கு பிறமொழிக் கலப்பு இதில்தான் அதிகம். உலகின் பல்வேறு மொழிகளின் வார்த்தைகளை உள்ளடக்கி ஏகப்பட்ட வார்த்தைகளுடன் வலம் வரும் மொழியான ஆங்கிலத்தில் தற்போது புதிதாக சில சொற்றொடர்கள் சேர்ந்துள்ளனவாம்.

கிட்டத்தட்ட 1000 புதிய வார்த்தைகளை சேம்பர்ஸ் தெசாரஸில் இணைத்துள்ளனராம். இந்தப் புதிய வார்த்தைகள், வேர்ட் லவ்வர்ஸ் காலிமாபிரை என்ற புதிய பிரிவின் கீழ் தொகுத்துள்ளனர்.

அதில் இணைக்கப்பட்டுள்ள புதிய வார்த்தைகளிலிருந்து சிலவற்றைப் பார்க்கலாம்...

நாட் ஸ்பாட் - அதாவது செல்போன் கவரேஜ் இல்லாத பகுதிக்கு நாட் ஸ்பாட் என்று பெயராம்.

பட்டர்ஸ் - அவலட்சணம் என்று அர்த்தமாம்.

பெங் - கவர்ச்சிகரமான, அழகான என்று அர்த்தமாம்.

பிளக்கிங் - பிளாக்குகள் மூலம் பணம் சம்பாதிப்பதற்குப் பெயர் பிளெக்கிங்காம்.

ரிங்ஸிட்டி - அட்டு ரிங்டோன்களைக் கேட்டாலே ஹார்ட் அட்டாக் வந்தது போலப் பதறிப் போய் விடுவார்கள் சிலர். அப்படிப்பட்ட பதட்டத்திற்குப் பெயர்தான் ரிங்ஸிட்டியாம்.

டிபிரண்ட்- ஒருவரை நமது பிரண்ட்ஸ் லிஸ்ட்டிலிருந்து தூக்குவதற்குப் பெயர் டிபிரண்ட்.

இன்டெக்ஸிகேட்டட்- தொடர்ந்து டெக்ஸ்ட் மெசேஜ் அனுப்பித் தொந்தரவு செய்வதற்குப் பெயர் இன்டெக்ஸிகேட்டட்.

இப்படி சுவாரஸ்யமான பல வார்த்தைகள் இதில் உள்ளன. இதில் பெரும்பாலானவை இன்டர்நெட், பிளாக், செல்போன்கள் தொடர்பானவை என்பது இதில் விசேஷமானது.

அப்புறம் செலபுடான்டே என்று ஒரு வார்த்தை உள்ளது. அதாவது பாரிஸ் ஹில்டன், கிம் கர்தஷியான் போன்ற கவர்ச்சி பிளஸ் பிரபலம் பிளஸ் சொத்துப்பத்துக்களுடன் கூடிய அழகுப் பெண்களாம்.

நல்லாத்தாய்யா யோசிக்கிறாய்ங்க...!

English summary

Stuck in a notspot? Well at least you can be thankful that you’re not in danger of ringxiety or becoming intexicated. And if you didn’t understand most of that, then you may want to phone a friend. For all are terms invented to describe the perils of mobile phones. They are among a list of 1,000 new words and phrases included in the Word Lover’s Gallimaufry, a special section of the latest edition of the Chambers Thesaurus that focuses on how our language is evolving.