இரவிலும் முற்றுகையிட்ட கன்னட கட்சிகள் - எதிர்ப்பை மீறி தண்ணீரை திறந்துவிட்ட கர்நாடக அரசு

ஸ்ரீரங்கபட்டணா: தமிழகத்துக்கு காவிரி நீரைத் திறந்துவிட உச்சநீதிமன்றம் உத்தரவிட்டதையடுத்து கூட்டபட்ட கர்நாடக அனைத்துக் கட்சிக் கூட்ட முடிவில் மறு ஆய்வு மனுத்தாக்கல் செய்யப் போவதாக அம்மாநில முதல்வர் ஜெகதீஷ் ஷெட்டர் தெரிவித்திருந்தார். ஆனால் கன்னட அமைப்புகள் இதை நம்பாமல் நள்ளிரவில் கிருஷ்ணராஜ சாகர் அணையை முற்றுகையிட்டு போராட்டம் நடத்தினர். இந்த எதிர்ப்பையும் மீறி தமிழகத்துக்கு நீரைத் திறந்துவிட்டிருக்கிறது கர்நாடக அரசு.

தமிழகத்துக்கு கர்நாடக அரசு எந்த நேரத்திலும் கிருஷ்ணராஜசாகர் அணையிலிருந்து நீர் திறந்துவிடப்படக் கூடும் என்பதால் ஐக்கிய ஜனதா தளத்தைச் சேர்ந்த தொண்டர்கள் நேற்று அணையை முற்றுகையிட்டனர். எம்.எல்.ஏ புட்டராஜூ, எம்.எல்.சி. ஸ்ரீகண்டே கவுடா ஆகியோர் நேற்று மாலை முதல் போராட்டம் நடத்தி வந்தனர். பின்னர் இரவு 11.20 மணியளவில் போராட்டக்காரர்களை அப்புறப்படுத்தினர் போலீசார். ரிசர்வ் போலீசாரும் அணையின் முகப்பு பகுதியில் குவிக்கபப்ட்டார். அதற்கு முன்னதாக கன்னட ரக்ஷிக வேதிகே அமைப்பின் நாராயண கவுடா டார்ச்லைட் பேரணியை நடத்த முயன்றதால் தடுக்கப்பட்டார்.

இந்த எதிர்ப்பாளர்களை அப்புறப்படுத்திய பின்னர் நள்ளிரவில் தமிழகத்துக்கு நீர் திறந்துவிடப்பட்டுள்ளது.

English summary

Tension ran high at the KRS dam late Saturday night as a group of JD(S) workers were arrested as they kept vigil at the entrance to the reservoir, expressing fears that the government would release water to Tamil Nadu late at night.