வீரப்பனின் 8வது நினைவு நாள்- குடும்பத்தினர் அஞ்சலி செலுத்த திட்டம்?

மேட்டூர்: வீரப்பனின் 8ம் ஆண்டு நினைவு நாள் வரும் 18ம் தேதி வருகிறது. இதை முன்னிட்டு மேட்டூர் அருகே மூலக்காட்டில் உள்ள சமாதியில் அவரது மனைவி், மகள்கள் மற்றும் ஊர் மக்கள் அஞ்சலி செலுத்த உள்ளதாக தகவல் பரவி வருகிறது.

சந்தனக் கடத்தல் வீரப்பன் கடந்த 2004ம் ஆண்டு அக்டோபர் 18ம் தேதி தமிழக போலீசாரால் சுட்டுக் கொல்லப்பட்டார். அவரது உடல் மேட்டூர் அருகே உள்ள மூலக்காட்டில் அடக்கம் செய்யப்பட்டுள்ளது.

வீரப்பனின் 8ம் ஆண்டு நினைவு நாள் வரும் 18ம் தேதி வருகிறது. இந்த நாளில் வீரப்பன் சமாதியில், வீரப்பனின் மனைவி முத்துலட்சுமி, அவரது மகள்கள் வித்யாராணி, பிரபாவதி, வீரப்பனின் அண்ணன் மனைவி மாதம்மாள், மாதையனின் மருமகன் முனுசாமி மற்றும் ஊர்மக்கள் அஞ்சலி செலுத்த உள்ளதாக தகவல் வெளியாகி உள்ளது.

மேலும் நினைவு நாளை முன்னிட்டு மலைவாழ் மக்களுக்கு பல்வேறு நலத்திட்ட உதவிகளை வீரப்பன் மனைவி முத்துலட்சுமி வழங்க உள்ளதாக கூறப்படுகிறது. இத்தகவலை அடுத்து மேட்டூரை சுற்றியுள்ள பகுதியில் இப்போதே உளவுத்துறை போலீசாரும், கியூ பிரிவு போலீசாரும் கண்காணிப்பு பணிகளை தீவிரப்படுத்தி உள்ளனர்.

English summary

Sandwood smuggler Veerappan's 8th death anniversary is coming on october 18th. So his family and village people are planning to pay tribute, sources said.