இலவச பீட்ஸா தர்றோம், பிளைட் டிக்கெட் தர்றோம்... இது அமெரிக்க வாக்குறுதி!

வாஷிங்டன் : இலவச அரிசி, டிவி, கிரைண்டர், மின்விசிறி என இந்தியாவில் குறிப்பாக தமிழ்நாட்டில்தான் தேர்தல் நேரத்தில் இலவசத்திட்டங்கள் அறிவிக்கப்படும். இப்பொழுது இந்த இலவச ஜுரம் அமெரிக்காவையும் தொற்றிக்கொண்டுள்ளது. தேர்தலில் வாக்களிக்கும் மக்களுக்கு இலவச பீட்ஸா, விமான டிக்கெட் என அறிவித்துள்ளது.

அமெரிக்காவில் வருகிற 6ஆம் தேதி நடைபெற உள்ளது. இதில் ஜனநாயக கட்சி சார்பில் ஜனாதிபதி ஒபாமாவும், குடியரசு கட்சி சார்பில் மிட் ரோம்னியும் போட்டியிடுகின்றனர்.

இருவரும் தீவிர பிரசாரம் செய்து வந்த நிலையில், தற்போது சான்டி புயல் இவர்களது பிரசாரத்துக்கு தடை ஏற்பட்டுள்ளது. வாக்காளர்களை கவர்வதற்காக அங்கு பல்வேறு நிறுவனங்கள் இலவசங்களை அறிவித்து வருகின்றன.

அமெரிக்க ஜனாதிபதி தேர்தலில் வாக்களிக்கும் வாக்காளர்களுக்கு வாஷிங்டனில் உள்ள யோகா பயிற்சி மையம் இலவச பயிற்சி அளிக்க முன்வந்துள்ளது. வாக்களிப்பதற்கான அடையாளத்தை காட்டி இந்த பயிற்சி வகுப்பில் சேர்ந்து கொள்ளலாம் என மைசூரை சேர்ந்த இந்த யோகா பயிற்சி மையம் தெரிவித்துள்ளது.

ஜெட் ப்ளு நிறுவனம் இலவச விமான சேவையை அறிவித்துள்ளது.இதே போல பிசா ஹட் நிறுவனம் இலவசமாக பீட்சாவையும், சுடசுட காபியையும் வாக்காளர்களுக்கு வழங்குவதாக தெரிவித்துள்ளது.

நம் ஊரில் அரசியல்வாதிகள் இலவசங்களை அறிவித்து வாக்காளர்களை கவர்வது வாடிக்கை. ஆனால் அமெரிக்காவில் தனியார் நிறுவனங்கள் இலவசங்களை அறிவித்துள்ளன என்பது குறிப்பிடத்தக்கது.

English summary

A yoga studio in Washington has said it will give free classes to anyone who casts his or her ballot in next week's US elections. Flow Yoga Center said it was throwing open the doors to its Astanga Mysore, Pilates, Prana Flow and Vinyasa Flow classes next Tuesday "to help our United States re-unite again."