தாஜ் காரிடர் வணிக வளாக வழக்கு: மாயாவதிக்கு எதிரான 7 மனுக்கள் தள்ளுபடி

அலகாபாத்: தாஜ் காரிடர் வணிக வளாகம் தொடர்பாக உத்தரப்பிரதேச முன்னாள் முதல்வர் மாயாவதிக்கு எதிராக தாக்கல் செய்யப்பட்ட 7 மனுக்களை அலகாபாத் உயர்நீதிமன்றம் தள்ளுபடி செய்திருக்கிறது.

தாஜ் காரிடர் வழக்கு

2002-ம் ஆண்டு மாயாவதியால் தாஜ் காரிடர் வணிக வளாக திட்டம் தொடங்கப்பட்டது. இதில் ரூ17 கோடிக்கு முறைகேடு நடந்தது என்பது புகார். இது தொடர்பாக 2003-ல் சிபிஐ விசாரணைக்கு உத்தரவிடப்பட்டது. 2007-ல் மாயாவதி மீது குற்றப்பத்திரிகையும் தாக்கல் செய்யப்பட்டது.

இந்த வழக்கில் மாயாவதிக்கு எதிராக 7 பொதுநலன் வழக்குகளும் தாக்கல் செய்யப்பட்டன. இந்தப் பொதுநலன் வழக்குகள் மீது இன்று அலகாபாத் உயர்நீதிமன்றத்தில் விசாரணை நடைபெற்றது.

இன்றைய விசாரணையின் போது, மாயாவதியின் புகழுக்கு களங்கம் விளைவிக்கும் நோக்கத்திலேயே அனைத்து மனுக்களும் தாக்கல் செய்யப்பட்டிருப்பதாக அவர் தரப்பில் வாதிடப்பட்டது. இதை ஏற்றுக் கொண்ட நீதிமன்றம் மாயாவதிக்கு எதிரான 7 பொதுநலன் மனுக்களையும் தள்ளுபடி செய்து உத்தரவிட்டது.

English summary

In a major relief for the former Uttar Pradesh chief minister Mayawati, the Lucknow bench of the Allahabad high court on Monday dismissed the Public Interest Litigation (PIL) that challenged the Uttar Pradesh government's decision to refuse to initiate prosecution of BSP chief in the Rs 17 crore Taj corridor scam.