இந்தோனேசியாவில் 7.2 ரிக்டர் அளவுக்கு கடும் பூகம்பம்: சுனாமி இல்லை

ஜகர்தா: இந்தோனேசியாவின் நேற்று கடலுக்கடியில் பயங்கர பூகம்பம் ஏற்பட்டது. இதையடுத்து சுனாமி எச்சரிக்கை விடுக்கப்பட்டு பின்னர் திரும்ப பெறப்பட்டது.

இந்தோனேசியாவின் சவும்லாகி நகரின் வடமேற்குப் பகுதியில் 147 மைல்கள் தொலைவில் கடலுக்கு அடியில் 96 மைல் ஆழத்தில் கடும் பூகம்பம் ஏற்பட்டது. ரிக்டர் அளவுகோலில் பூகம்பத்தின் அளவு 7.2 ரிக்டராக பதிவாகியிருப்பதாக அமெரிக்க பூகம்பவியல் துறை தகவல் தெரிவித்துள்ளது. பூகம்பம் காரணமாக மின்சாரம் துண்டிக்கப்பட்டது, பீதியடைந்த மக்கள் வீடுகளை விட்டு ஓட்டம் பிடித்தனர்.

பூகம்பம் ஏற்பட்டதைத் தொடர்ந்து சுனாமி எச்சரிக்கை விடப்பட்டது. இதையடுத்து மக்கள் பீதியடைந்தனர். எனினும் சில மணிநேரங்களில் சுனாமி எச்சரிக்கை திரும்பப் பெறப்பட்டது.

English summary

A 7.2-magnitude earthquake has been reported off the coast of Indonesia. The U.S. Geological Survey says the quake struck offshore, with the epicenter 147 miles (236 kilometers) northwest of the city of Saumlaki. The quake was reported at a depth of 96 miles (155 kilometers).