முதல்ல சாண்டியைக் கூப்பிடுங்க.. போலீஸாரிடம் எகிறிய ஸ்ரீசாந்த்

Published: Sunday, May 19, 2013, 16:59 [IST]

Subscribe to Oneindia Tamil

டெல்லி: ஸ்பாட் பிக்ஸிங் புகாரின் பேரில் கைது செய்ய வந்த போலீஸாரிடம முதலில் எதிர்ப்புத் தெரிவித்துள்ளார் ஸ்ரீசாந்த். மேலும், கேரளா மற்றும் மகாராஷ்டிர முதல்வரைக் கூப்பிடுங்கள் என்றும் தெனாவெட்டாக அவர் பேசினாராம்.

டெல்லி போலீஸின் சிறப்புப் பிரிவு போலீஸார் மும்பையில் வைத்து ஸ்ரீசாந்த்தைக் கைது செய்தனர். அப்போது கைது செய்யப்படுவதை எதிர்த்தாராம் ஸ்ரீசாந்த். மேலும், தன்னிடம் இருந்த செல்போனை தூக்கி போலீஸாரிடம் வீசி எறிந்து, மகாராஷ்டிர, கேரள முதல்வர்களை கூப்பிடுங்கள், அவர்களுடன் நான் பேச வேண்டும் என்றும் போலீஸாரிடம் கோபமாக கூறினாராம்.

கைது செய்யப்பட்டபோது ஒரு ஆடம்பரக் காரில் ஏறி அமர்ந்திரு்நதாராம் ஸ்ரீசாந்த். ஆனால் போலீஸ் வசம் சூதாட்ட புக்கிகள் கைது செய்யப்பட்டு கம்மென்று நின்று கொண்டிருந்ததைப் பார்த்ததும் அவரது சூடு குறைந்து கப்சிப்பென்றாகி விட்டாராம்

Published On May 19, 2013