ஹாரி பாட்டர் கதையின் கையெழுத்து பிரதி 1 கோடியே 26 லட்சத்துக்கு ஏலம்

லண்டன்: முதல் ஹாரி பாட்டர் கதையின் கையெழுத்து பிரதி 1 கோடியே 26 லட்சத்துக்கு ஏலம் போனது.

ஹாரி பாட்டர் கதைகள் புத்தகமாகவும், திரைப்படமாகவும் வந்து வசூலை அள்ளிக் கொட்டியது. இதன் கதாசிரியர் ஜே.கே.ரவுலிங் தனது முதல் ஹாரி பாட்டர் கதையின் கையெழுத்து பிரதியை ஏலம் விட்டார்.

அது 1.5 லட்சம் பவுண்டுகளுக்கு அதாகப்பட்டது சுமார் இந்திய மதிப்புக்கு ரூ.1 கோடியே 26 லட்சத்துக்கு ஏலம் போனது.

ஏலம்...

25 ஆயிரம் பவுண்டுகளில் இருந்து தொடங்கியது ஏலம். பின் படிப்படியாக கூடிக்கொண்டே சென்றது ஏலத்தொகை. அரங்கில் பயங்கர நிசப்தத்துக்கு இடையே 2 முக்கிய பிரமுகர்கள் மட்டுமே இறுதியில் போட்டியில் இருந்தனர்.

சூப்பர்...

இறுதியாக ஒருவர் 1.5 லட்சம் பவுண்டுகளுக்கு அப்புத்தகத்தை ஏலத்தில் எடுத்தபோது கூடியிருந்தவர்கள் கை தட்டி ஆரவாரம் செய்தனர்.

ஏலம் விட்டே காசு ...

'டேல்ஸ் ஆப் பீடில் த பர்ட்' என்ற பெயரில் ஜே.கே.ரவுலிங் எழுதிய வேறொரு புத்தகத்தின் கையெழுத்து பிரதி கடந்த 2007ம் ஆண்டு 20 லட்சம் பவுண்டுகளுக்கு ஏலம் போனது நினைவிருக்கலாம்.

English summary

A first edition copy of "Harry Potter and the Philosopher's Stone" that contains author J.K. Rowling's notes and original illustrations fetched 150,000 pounds ($228,000) at a London auction on Tuesday.