தெலுங்கானாவுக்கு எதிர்ப்பு: 17 ஜெகன் எம்.எல்.ஏக்கள் ராஜினாமா!

டெல்லி: ஆந்திராவைப் பிரித்து பிரித்து தெலுங்கானா தனி மாநிலத்தை உருவாக்க எதிர்ப்பு தெரிவித்து ஜெகனின் ஒய்.எஸ்.ஆர். காங்கிரஸ் கட்சியைச் சேர்ந்த 17 எம்.எல்.ஏக்கள் ராஜினாமா செய்துள்ளனர்.

ஆந்திராவைப் பிரித்து 10 மாவட்டங்களை உள்ளடக்கிய தனி தெலுங்கானா மாநிலம் உருவாக்க வேண்டும் என்பது நீண்டகால கோரிக்கை. இதற்கான போராட்டத்தில் நூற்றுக்கும் மேற்பட்டோர் உயிரிழந்துள்ளனர். கடந்த 4 ஆண்டுகளாக இந்த விவகாரம் விஸ்வரூபம் எடுத்து வருகிறது.

இதில் திடீர் திருப்பமாக தெலுங்கானா தனி மாநிலம் அமைக்க எதிர்ப்புத் தெரிவித்து ஜெகன் மோகன் ரெட்டியின் ஒய்.எஸ்.ஆர். காங்கிரஸ் கட்சியைச் சேர்ந்த 17 எம்.எல்.ஏக்கள் ராஜினாமா செய்துள்ளனர். அவர்கள் தங்களது ராஜினாமா கடிதங்களை சபாநாயகர் என். மனோகருக்கு அனுப்பி வைத்துள்ளனர். இவர்கள் அனைவரும் கடலோர ஆந்திரா மற்றும் ராயலசீமா பகுதியைச் சேர்ந்தவர்கள் என்பது குறிப்பிடத்தக்கது.

English summary

In a move to thwart any decision to bifurcate Andhra Pradesh, 17 legislators from coastal Andhra and Rayalaseema on Thursday submitted their resignations to state assembly speaker, N Manohar.