பெங்களூர்: ரூ.1.87 லட்சம் கொடுத்து ஸ்மார்ட்போனை ஆர்டர் செய்தவருக்கு ஷாக்! என்ன வந்துச்சுன்னு பாருங்க
பெங்களூர்: பெங்களூரை சேர்ந்த மென்பொறியாளர் ஒருவர், அமேசான் ஆன்லைன் ஷாப்பிங் தளத்தில் ரூ.1.87 லட்சம் மதிப்பிலான ஸ்மார்ட்போனை ஆர்டர் செய்திருக்கிறார். ஆனால், ஸ்மார்ட்போனுக்கு பதில் வெறும் டைல்ஸ் கல் ஒன்று பார்சலில் வந்திருக்கிறது.
பெங்களூரை சேர்ந்தவர் சாப்ட்வேர் என்ஜினியர் பிரேமானந்தா. இவர் தீபாவளியை சிறப்பாக கொண்டாட திட்டமிட்டிருக்கிறார். எனவே, ரூ.1.87 லட்சம் கொடுத்து அமேசான் தளத்தில் சாம்சங் கேலக்ஸி Z ஃபோல்ட் 7 ஸ்மார்ட்போனை ஆர்டர் செய்திருக்கிறார்.
குறிப்பிட்ட நாளில் மொபைல் வீடு தேடி வந்திருக்கிறது. சாதாரணமாக ரூ.100 கொடுத்து இயர்போன் வாங்கினாலே, அதை பிரித்து பார்க்க நமக்கு ஆர்வம் அதிகமாக இருக்கும். ரூ.1.87 லட்சம் மதிப்புடைய ஸ்மார்ட்போன் எனில் சொல்லவா வேண்டும்? எனவே பிரேமானந்தா, பார்சலை பிரிக்கும் அனுபவத்தை வீடியோவாக ரெக்கார்ட் செய்திருக்கிறார். வீட்டில் உள்ளவர்கள் எல்லாம் ஆர்வமாக காத்திருக்க, பிரித்து பார்த்தால் உள்ளே வெறும் ஒரு டைல்ஸ் கல் மட்டும் இருந்திருக்கிறது. இதனால் ஏமாற்றமடைந்த பிரேமானந்தா சம்வம் குறித்து சைபர் கிரைமில் புகார் அளித்திருக்கிறார்.
இது குறித்து அவர் கூறுகையில், "நான் ₹1.87 லட்சம் மதிப்புள்ள சாம்சங் கேலக்ஸி Z ஃபோல்ட் 7 போனை ஆர்டர் செய்தேன், ஆனால் தீபாவளிக்கு ஒரு நாள் முன்பு போனுக்குப் பதிலாக ஒரு மார்பிள் கல்லைப் பெற்றேன். இந்தச் சம்பவம் நாங்கள் ஆவலுடன் எதிர்பார்த்துக் காத்திருந்த பண்டிகை மனநிலையை முற்றிலும் கெடுத்துவிட்டது. ஆன்லைனில் ஷாப்பிங் செய்யும்போது, குறிப்பாக அமேசானில், அனைவரும் மிகவும் கவனமாக இருக்க வேண்டும் என்று நான் கேட்டுக்கொள்கிறேன். இந்த அனுபவம் மிகவும் ஏமாற்றமளிக்கிறது" என்று பதிவிட்டிருக்கிறார்.
Bengaluru Techie orders a smart phone from @amazonIN gets a stone tile instead. FIR registered. The Samsung Galaxy Fold 7 cost him 186,999. He recorded the unboxing on video, amazon has issued a refund, but cops continue probe. pic.twitter.com/KDMONtqfHJ
— Deepak Bopanna (@dpkBopanna) October 30, 2025
இந்த சம்பவத்தையடுத்து வீடியோ சோஷயில் மீடியாவில் பரவலாக ஷேரானது. பாதிக்கப்பட்ட பிரேமானந்தாவுக்கு அவரது முழு தொகையும் அமேசான் திருப்பி அனுப்பியிருக்கிறது. இருப்பினும் இந்த அனுபவம் நிச்சயம் மோசமான ஒன்றுதான். வீடியோவை பார்த்த பலரும், பார்சலை டெலிவரி ஏஜென்ட் முன்னிலையில் பிரித்து பார்த்திருக்கலாமே என்று கேள்வி எழுப்பியுள்ளனர். அதேபோல, வீடியோ எடுத்தது நல்ல விஷயம் என்றும் கூறியிருக்கின்றனர்.
விலையுயர்ந்த பொருட்களை பார்சலாக பெரும்போது நிச்சயம் அதை வீடியோ பதிவு செய்ய வேண்டும். குறிப்பாக பார்சலை பிரிப்பதற்கு முன்னர், பார்சலில் உள்ள சீல் இருப்பதை வீடியோவில் தெளிவாக பதிவு செய்ய வேண்டும் என்பது குறிப்பிடத்தக்கது.
Click it and Unblock the Notifications
Sign in with Google