கால்களை சங்கிலியால் கட்டி டிரைவர் சித்ரவதை.. காரணத்தை பாருங்க.. கர்நாடகாவில் நடந்த கொடுமை
பெங்களூர்: கர்நாடகாவில் வேலைக்கு வருவதாக கூறி ரூ.20 ஆயிரம் வாங்கி கொண்டு பணிக்கும் செல்லாமல், கொடுத்த பணத்தை திரும்பவும் கொடுக்காமல் இருந்த டிரைவரை 2 பேர் சங்கிலி போட்டு கட்டி வைத்து சித்ரவதை செய்த வீடியோ வெளியாகி அதிர்ச்சியை ஏற்படுத்தி உள்ளது. இதுதொடர்பாக விசாரணை நடத்திய போலீசார் 2 பேரை கைது செய்துள்ளனர். கர்நாடகாவை உலுக்கி உள்ள இந்த சம்பவத்தின் பின்னணி பற்றி இங்கு பார்க்கலாம்.
கர்நாடகா மாநிலம் விஜயாப்புரா மாவட்டம் சடசனா தாலுகா கொடிஹால் கிராமத்தை சேர்ந்தவர் பாஷா சாப். இவருக்கு 38 வயது ஆகிறது. டிரைவர் வேலை செய்து வருகிறார்.
இவர் குமார் பீராதார என்பவரிடம் டிரைவர் வேலை கேட்டு சென்றார். குமாரும் அவருக்கு வேலை போட்டு கொடுத்தார். அதோடு பாஷா சாப் கேட்டு கொண்டதன் பேரில் ரூ.20 ஆயிரத்தை முன்பணமாக குமார் பாஷா சாப்பிற்கு வழங்கி உள்ளதாக கூறப்படுகிறது.
அந்த பணத்தை பெற்று கொண்ட பாஷா சாப், சொல்லியபடி டிரைவர் வேலைக்கு செல்லவில்லை. ஏதாவது ஒரு காரணத்தை கூறி இன்று வருகிறேன்.. நாளை வருகிறேன் என்று குமாரை ஏமாற்றி உள்ளார். ஒரு கட்டத்தில் குமாரின் செல்போனில் இருந்த அழைப்பு சென்றால் அதனை பாஷா சாப் எடுத்து பேசவில்லை. கூறியபடி வேலைக்கு செல்லாத பாஷா சாப், அட்வான்ஸாக வாங்கிய ரூ.20 ஆயிரத்தையும் குமாரிடம் திரும்ப கொடுக்கவில்லை.
இதனால் ஆத்திரமடைந்த குமார் தனது நண்பர் ஸ்ரீசைலா என்பவருடன் சேர்ந்து பாஷா சாப்பை மோட்டார் சைக்கிளில் ஹத்தள்ளி கிராமத்துக்கு அழைத்து சென்றார். அங்கு வைத்து பணத்தை திரும்ப கேட்டனர். ஆனால் பாஷா சாப் கையில் பணம் இல்லை. இதனால் அவர் பணம் கொடுக்கவில்லை. இதனால் கோபமடைந்த குமார் மற்றும் ஸ்ரீசைலா ஆகியோர் பாஷா சாப் காலில் சங்கிலி போட்டு இரும்பு கம்பியில் கட்டிவைத்தனர்.
மல்லிகார்ஜூனா என்பவரின் கடையில் இருந்த கம்பியில் கட்டி வைத்தனர். மேலும் அவரை ஆபாசமாக திட்டினர். இதுதொடர்பான வீடியோ இணையதளங்களில் வெளியானது. பலரும் கடுமையாக கண்டித்தனர். இதுதொடர்பாக விசாரணை சடசனா போலீசார் விசாரணை மேற்கொண்டனர்.
இதன் தொடர்ச்சியாக பாபா சாப்பை சங்கிலி போட்டு கட்டி வைத்த புகாரில் குமார் மற்றும் ஸ்ரீசைலா ஆகியோரை கைது செய்தனர். இதுதொடர்பாக விஜயாப்புரா எஸ்பி லட்சுமண் நிம்பரகி கூறுகையில், ‛‛சம்பவம் தொடர்பாக விசாரணை நடத்தி 2 பேரை கைது செய்துள்ளோம். தொடர்ந்து விசாரணை நடத்தப்பட்டு வருகிறது'' என்றார்.
Click it and Unblock the Notifications
Sign in with Google