புத்த மதத்துக்கு மாறிய பட்டியலினத்தவருக்கு எஸ்.சி சான்றிதழ் வழங்க வேண்டும்.. கர்நாடக அரசு உத்தரவு!

பெங்களூர்: கர்நாடகாவில் புத்த மதத்துக்கு மாறிய பட்டியல் பிரிவினருக்கு SC சான்றிதழ் வழங்க அம்மாநில அரசு உத்தரவிட்டுள்ளது. பட்டியலின வகுப்பில் உள்ள 101 பிரிவுகளில், எந்த பிரிவைச் சேர்ந்தவர் புத்த மதத்துக்கு மாறினாலும் இது பொருந்தும் எனத் தெரிவிக்கப்பட்டுள்ளது.

கர்​நாடக அரசின் சமூக நலத்​துறை நேற்று பிறப்​பித்த உத்​தர​வில், கர்நாட​கா​வில் பட்​டியல் வகுப்​பில் 101 பிரி​வினர் உள்​ளனர். இதில் எந்த பிரிவைs சேர்ந்​தவர், புத்த மதத்​துக்கு மாறி​யிருந்​தா​லும், அவர்​களுக்கு எஸ்.சி சாதிச் சான்​றிதழ் வழங்​கப்பட வேண்​டும்.

கர்​நாடக பட்​டியல் சாதி​யினர், ப‌ழங்​குடி​யினர் மற்​றும் இதர பிற்​படுத்தப்​பட்ட வகுப்​பினருக்​கான இட ஒதுக்​கீடு சட்ட விதி​கள் இதனை ஏற்​கெனவே உறுதி செய்​திருக்​கிறது.

கடந்த 1990-ல் மத்​திய அரசு வெளி​யிட்ட அரசாணை​யிலும், கர்​நாடக அரசு 2013-ல் வெளி​யிட்ட சுற்​றறிக்​கை​யிலும் இது அறிவுறுத்தப்பட்டுள்ளது. கடந்த 2016-ல் மத்​திய அரசு, அனைத்து மாநிலங்​களின் தலை​மைச் செய​லா​ளர்​களிட​மும் புத்த மதத்​தின​ராக மாறிய பட்​டியலினத்​தவர் எஸ்.சி சாதிச் சான்​றிதழ்​களைப் பெறு​வதை உறுதி செய்​யு​மாறு கேட்​டுக் கொண்​டது.

எனவே கல்​வி, வேலை​வாய்ப்பு தேவைக்​காக புத்த மதத்​துக்கு மாறிய பட்​டியலினத்​தவருக்கு எஸ்.சி சாதிச் சான்​றிதழ் வழங்​கு​வது கட்​டாய​மாகிறது. இந்த உத்​தரவை அரசின் அனைத்​துத் துறை​கள், வாரி​யங்​கள் மற்​றும் நிறு​வனங்​கள் உடனடி​யாக பின்​பற்றி செயல்பட வேண்​டும் எனத் தெரிவிக்கப்​பட்​டுள்​ளது.

மேலும், விண்ணப்பதாரர்கள்/ பெற்றோர்கள் விரும்பினால், அரசுப் பள்ளிகள்/ தனியார் பள்ளிகள்/ பள்ளிக் கல்வி மற்றும் எழுத்தறிவுத் துறையின் அதிகார வரம்பிற்குட்பட்ட அனைத்து பிற கல்வி நிறுவனங்களின் ஆவணங்களில் மதம் என்பதில் புத்த மதத்தை குறிப்பிட அனுமதிக்கிறது.

English summary

"It is ordered to issue the Scheduled Caste Certificate to persons belonging to 101 Scheduled Castes in the Karnataka Scheduled Caste list who have converted to Buddhism.