மக்களே ரெடி? வாக்களிக்க சொந்த ஊருக்கு கிளம்பிட்டீங்களா? ஸ்பெஷல் பஸ்கள் ரெடி.. சீட்டும் காலியாயிருக்கு

சென்னை: வருகிற 19-ம் தேதி மக்களவை தேர்தலில் வாக்களிக்க முன்கூட்டியே சொந்த ஊருக்கு பயணிக்க போக்குவரத்துத்துறை வேண்டுகோள் விடுத்துள்ளது. இதுகுறித்த முக்கிய அறிவிப்பு ஒன்றும் வெளியாகியிருக்கிறது.

பாராளுமன்ற தொகுதிகளிலும், விளவங்கோடு சட்டசபை தொகுதியிலும் நாளை மறுநாள் அதாவது 19-ந்தேதி காலை 7 மணிக்கு வாக்குப்பதிவு நடக்கிறது.. காலையில் தொடங்கும் இந்த வாக்குப்பதிவு மாலை 6 மணி வரை நடைபெறுகிறது.

பிரச்சாரங்கள்: இதையடுத்து, தேர்தல் பிரச்சாரங்கள் இன்று மாலை 6 மணியுடன் நிறைவடைகிறது... எனவே, இன்று மாலை 6 மணிக்கு மேல் எந்த வகையிலும் பிரச்சாரம் மேற்கொள்ளக்கூடாது. இன்று மாலை 6 மணிக்கு மேல் ஊடகங்கள், சமூக வலைதளங்கள் உள்ளிட்ட எந்த வகையிலும் பிரச்சாரம் செய்யக்கூடாது.

பிரச்சாரம் ஓய்ந்ததும், இன்று மாலை 6 மணிக்கு மேல் வெளியூர் நபர்கள் வெளியேற வேண்டும். மேலும் ஓட்டல்கள், விடுதிகளில் வெளியூர் நபர்கள் இல்லை என்று நிர்வாகம் உறுதி செய்ய வேண்டும்" என்று தேர்தல் ஆணையம் அறிவுறுத்தியிருக்கிறது.

பிரச்சாரம்: இதனிடையே, வாக்களிப்பதற்காக பொதுமக்கள் தங்கள் சொந்த ஊர்களுக்கு செல்லும்வகையில் சிறப்பு பேருந்துகள் ஏற்பாடு செய்யப்பட்டுள்ளது..

இன்று 17ம் தேதி மற்றும் நாளை 18-ம் தேதிகளில் சென்னையிலிருந்து மற்ற பகுதிகளுக்கு தினசரி இயக்கப்படக் கூடிய 2 ஆயிரத்து 92 பேருந்துகளுடன், 2 ஆயிரத்து 970 சிறப்புப் பேருந்துகள் என மொத்தம் 7 ஆயிரத்து 154 பேருந்துகளும், பிற ஊர்களிலிருந்து 2 நாட்களுக்கு 3 ஆயிரத்து 60 பேருந்துகள் என மொத்தமாக 10,214 பேருந்துகள் இயக்கப்படுகின்றன.

முன்பதிவு: நாளை 18-ந் தேதி சென்னையில் இருந்து புறப்பட உள்ள அரசு விரைவு போக்குவரத்து கழக பஸ்களில் முன்பதிவு பெரும்பான்மையான தடங்களில் முழுமையாக செய்யப்பட்டுள்ளது. நேற்று 16-ந் தேதிக்கான 30 ஆயிரத்து 630 முன்பதிவு இருக்கைகளில், ஆயிரத்து 22 இருக்கைகள் முன்பதிவு செய்யப்பட்டும், 29 ஆயிரத்து 608 இருக்கைகள் காலியாகவும் இருந்தன.

இதுபோலவே, இன்று 17-ந் தேதிக்கான 31 ஆயிரத்து 308 முன்பதிவு இருக்கைகளில் 6 ஆயிரத்து 475 இருக்கைகள் முன்பதிவு செய்யப்பட்டுள்ளன. 24 ஆயிரத்து 833 இருக்கைகள் காலியாக உள்ளதாக தெரிவிக்கப்பட்டுள்ளது. எனவே, 18-ந் தேதி கடைசி நேர கூட்ட நெரிசலை தவிர்த்து முன்கூட்டியே திட்டமிட்டு முன்பதிவு செய்து பயணிக்க போக்குவரத்துத்துறை கேட்டுக் கொண்டுள்ளது.

English summary

10000 Special buses by Tamil Nadu Government and on election day operate for public to go to hometowns for voting