11 ஆம் வகுப்பு தேர்வு முடிவுகள்.. மாணவர்களை விட மாணவிகள் 7.37 சதவீதம் அதிகம் தேர்ச்சி

சென்னை: தமிழகத்தில் 11 ஆம் வகுப்பு தேர்வு முடிவுகள் இன்று வெளியிடப்பட்டது. இதில் வழக்கம் போல மாணவர்களை விட மாணவிகளே அதிக அளவில் தேர்ச்சி பெற்றுள்ளனர்.

தமிழகத்தில் 11ம் வகுப்பு பொதுத்தேர்வு கடந்த மார்ச் 14ம் தேதி தொடங்கியது. 3 வாரம் நடைபெற்ற இந்த தேர்வுகள் ஏப்ரல் 5ம் தேதி முடிவு பெற்றது.7,73,688 பேர் 11ம் வகுப்பு தேர்வு எழுதினர். இதில் 3,60, 908 மாணவர்கள், 4,12,779 மாணவிகள் ஆவர். இந்த தேர்வு முடிவுகள் இன்று பிற்பகல் 2 மணியளவில் வெளியானது.

மாணவர்கள் www.tnresults.nic.in உள்ளிட்ட இணையதளத்தின் மூலம் முடிவுகளை பார்த்து வருகின்றனர். தேர்வு எழுதும் போது கொடுத்த செல்போன் எண்ணிற்கும் மேசேஜ் மூலமாக ரிசல்ட் தெரிவிக்கப்பட்டது. 11 ஆம் வகுப்பு பொதுத்தேர்வில் 90.93 சதவீதம் பேர் தேர்ச்சி பெற்றுள்ளனர்.

* மாணவிகள் தேர்ச்சி விகிதம்: 94.36
* மாணவர்கள்: 86.99 சதவிகிதம்

எப்போதும் போல மாணவர்களை விட மாணவிகளே அதிக அளவில் தேர்ச்சி பெற்றுள்ளனர். மாணவர்களை விட 7.37 சதவீதம் அதிகம் தேர்ச்சி பெற்று இருக்கிறார்கள்.

English summary

Tamil Nadu 11th class exam results released today. As usual, female students have passed more than male students.