பல கோடி அரசு ஊழியர்கள், பென்சன் வாங்குபவர்களின்.. வயிற்றில் பாலை வார்த்த மத்திய அரசு.. தரமான செய்கை
சென்னை: 8ஆவது ஊதியக்குழு உறுப்பினர் நியமனத்திற்கு மத்திய அமைச்சரவை ஒப்புதல் வழங்கி உள்ளது. முன்னாள் உச்ச நீதிமன்ற நீதிபதியும், பிரஸ் கவுன்சில் தலைவருமான ரஞ்சன் பிரகாஷ் தேசாய் தலைவராக நியமிக்கப்பட்டு உள்ளார். உறுப்பினர் செயலாளராக ஐ.ஏ.எஸ்.அதிகாரி பங்கஜ் ஜெயின் நியமனம் செய்யப்பட்டு உள்ளார். பகுதி நேர உறுப்பினராக ஐஐஎம் பெங்களூர் பேராசியர் புலக் கோஷ் நியமிக்கப்பட்டு உள்ளார்.
மத்திய அரசு ஊழியர்களுக்கான 8வது ஊதியக் குழுவை (8th Pay Commission) நியமிக்க அரசாங்கம் ஒப்புதல் அளித்துள்ளது. இந்தக் குழு, திருத்தப்பட்ட சம்பளம் மற்றும் ஓய்வூதியக் கட்டமைப்புகள் குறித்து 18 மாதங்களுக்குள் பரிந்துரைகளை சமர்ப்பிக்கும்.
பாகிஸ்தான் 8ஆவது ஊதியக்குழு
மத்திய அரசின் சுமார் 50 லட்சம் ஊழியர்கள் மற்றும் ஓய்வூதியதாரர்களுக்குப் பலனளிக்கும் வகையில், 8வது மத்திய ஊதியக் குழுவை மத்திய அரசு அங்கீகரித்துள்ளது. இதுகுறித்து அறிவித்த மத்திய அமைச்சர் அஷ்வினி வைஷ்ணவ், மத்திய அமைச்சகங்கள், மாநில அரசுகள் மற்றும் கூட்டு ஆலோசனைக் குழு (JCM) ஆகியவற்றுடன் கலந்தாலோசித்த பிறகு, ஊதியக் குழுவின் செயல்பாட்டிற்கான விதிமுறைகள் (ToR) இறுதி செய்யப்பட்டதாகத் தெரிவித்தார்.
இந்தக் குழு தனது பரிந்துரைகளை 18 மாதங்களுக்குள் சமர்ப்பிக்க வேண்டும். இதன் மூலம் சுமார் 50 லட்சம் மத்திய அரசு ஊழியர்களின் சம்பளம், படிகள் மற்றும் ஓய்வூதியங்கள் மறுபரிசீலனை செய்யப்படும் என எதிர்பார்க்கப்படுகிறது. சுமார் 65 லட்சம் ஓய்வூதியதாரர்களும் இதன் மூலம் பயனடைவார்கள். முன்னாள் உச்ச நீதிமன்ற நீதிபதியும், பிரஸ் கவுன்சில் தலைவருமான ரஞ்சன் பிரகாஷ் தேசாய் தலைவராக நியமிக்கப்பட்டு உள்ளார்.
பிட்மென்ட் காரணியைக் குழு பரிசீலிக்கலாம்
இந்தக் குழுவின் பரிந்துரைகள் நடைமுறைக்கு வரும்போது, பல்வேறு துறைகளில் உள்ள சம்பள விகிதங்களில் கணிசமான மாற்றங்கள் ஏற்படும். அடிப்படை ஊதியத்தை நிர்ணயம் செய்ய சுமார் 1.8 மடங்கு ஃபிட்மென்ட் காரணியைக் குழு பரிசீலிக்கலாம் என முன்னர் தகவல்கள் வெளியாகின. எனினும், அரசு இதுவரை குறிப்பிட்ட ஊதிய அளவுருக்கள் அல்லது குழு உறுப்பினர்களின் பெயர்களை வெளியிடவில்லை.
8வது ஊதியக் குழு ஒரு தற்காலிக அமைப்பாக செயல்படும். இதில் ஒரு தலைவர், ஒரு பகுதி நேர உறுப்பினர் மற்றும் ஒரு உறுப்பினர்-செயலாளர் ஆகியோர் இருப்பார்கள். எந்தவொரு பரிந்துரைகளும் முன்னதாகவே இறுதி செய்யப்பட்டால், இடைக்கால அறிக்கைகளைச் சமர்ப்பிக்க இந்தக் குழுவுக்கு அதிகாரம் உண்டு.
தனது அறிக்கையைத் தயாரிக்கும்போது, பொருளாதாரம், நிதி ஒழுக்கம், வளர்ச்சி மற்றும் நலத்திட்டங்களுக்கான நிதி ஆதாரம், பங்களிப்பு இல்லாத ஓய்வூதியங்களின் சுமை, மாநில அரசுகளுக்கு ஏற்படும் நிதிச் சுமைகள், மற்றும் பொதுத்துறை நிறுவனங்கள் மற்றும் தனியார் துறையில் நிலவும் ஊதியக் கட்டமைப்புகள் போன்றவற்றை இந்தக் குழு கருத்தில் கொள்ளும்.
மத்திய அமைச்சரவை ஒப்புதல்
உறுப்பினர் செயலாளராக ஐ.ஏ.எஸ்.அதிகாரி பங்கஜ் ஜெயின் நியமனம் செய்யப்பட்டு உள்ளார். பகுதி நேர உறுப்பினராக ஐஐஎம் பெங்களூர் பேராசியர் புலக் கோஷ் நியமிக்கப்பட்டு உள்ளார். 8வது ஊதியக் குழுவை ஜனவரி 2025-ல் அமைக்க மத்திய அமைச்சரவை முதலில் ஒப்புதல் அளித்தது. இப்போது விதிமுறைகள் இறுதி செய்யப்பட்டதால், செயல்பாடுகள் தொடங்கப்படும். வரலாற்று ரீதியாக, ஊதியக் குழுக்கள் சுமார் பத்து ஆண்டுகளுக்கு ஒருமுறை அமைக்கப்படுகின்றன.
ஏழாவது ஊதியக் குழு பிப்ரவரி 2014-ல் அமைக்கப்பட்டு, நவம்பர் 2015-ல் தனது அறிக்கையைச் சமர்ப்பித்தது. இதன் பரிந்துரைகள் ஜனவரி 1, 2016 முதல் நடைமுறைக்கு வந்தன. ஆறாவது ஊதியக் குழுவும் இதேபோன்ற கால அட்டவணையைக் கொண்டிருந்தது, அதன் மாற்றங்கள் ஜனவரி 2006 முதல் அமலுக்கு வந்தன.
விதிமுறைகள் இறுதி செய்யப்பட்ட நிலையில், 8வது ஊதியக் குழு 2027 நடுப்பகுதியில் தனது பணியை முடிக்கும் என எதிர்பார்க்கப்படுகிறது. அதன் பிறகு, அரசு பரிந்துரைகளை செயல்படுத்துவது குறித்து இறுதி முடிவு எடுக்கும்.
Click it and Unblock the Notifications
Sign in with Google